កូរ៉េខាងត្បូង៖ ពិតជារឿង ដែលគួរឲ្យភ្ញាក់ផ្អើលមួយ បន្ទាប់ពីបានចាកចេញពីក្រុម AOA របស់ផលិតកម្ម FNC entertainment កាលពីដើមឆ្នាំកន្លងទៅ ពេលនេះMina សម្រេចចិត្តចុះកុងត្រា ការងារជាតារាសម្តែងជាមួយផលិតកម្មថ្មី។
កាលពីពេលថ្មីៗកន្លងទៅនេះ ផលិតកម្ម O& Entertainment បានប្រកាសជាផ្លូវការថាMina និងខាងផលិតកម្មបានចចារ និងចុះកុងត្រាជាមួយគ្នា រួចរាល់ជាផ្លូវការហើយ។ អ្នកតំណាង O& Entertainment បានលើកឡើងថា « Kwon Mina ជាតារាស្រី ដែលមានភាពលេចធ្លោម្នាក់ ទាំងជំនាញ និងទេពកោសល្យដ៏ប៉ិនប្រសប់ទាំងពីរផ្នែក របស់នាងទាំងវិស័យចម្រៀងនិងសម្តែង។ ពួកយើងនឹងគាំទ្រនាងឲ្យបានច្រើន តាមដែលអាចធ្វើទៅបាន ដូច្នេះនាងនឹងអាចវិវត្តន៍ខ្លួនជាតារាសម្តែងស្រីឆ្នើមមួយរូប នឹងអាចបញ្ចេញនូវសមត្ថភាព ដែលមិនទាន់បានបញ្ចេញអស់របស់នាង»។
គួរបញ្ជាក់ផងដែរថា បន្ទាប់ពីបានបង្ហាញខ្លួន ជាតារាចម្រៀងស្រីក្នុងក្រុម AOAកាលពីឆ្នាំ២០១២មកMina ក៏ធ្លាប់បានបង្ហាញខ្លួនក្នុងខ្សែភាពយន្តមួយ របស់ទូរទស្សន៍ KBS 2TV ដែលមានចំណងជើងថា «Adolescence Medley» កាលពីឆ្នាំ ២០១៣។
ចាប់តាំងពីពេលនោះមក នាងក៏បានបង្ហាញខ្លួន ក្នុងខ្សែភាពយន្តផ្សេងៗ ជាបន្តបន្ទាប់ដូចជារឿង «Modern Farmer» រឿង «All About My Mom» រឿង «Hospital Ship» និងរឿង «Mystery Queen2» ជាដើម។ ក្នុងពេលបច្ចុប្បន្ននេះតារាប្រចាំផលិតកម្ម O& Entertaintment មានដូចជា Mina លោក Kim Jung Hyun, និង Sung Joon ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]