ភ្នំពេញ៖ នៅក្នុងកម្មវិធីសន្និសីទកំពូលទូរស័ព្ទពិភពលោកនៅទីក្រុងសៀងហៃ (MWC) Huawei P30 Pro បានគ្រង់តំណែងជាម្ចាស់ពានរង្វាន់ស្មាតហ្វូនល្អបំផុតប្រចាំឆ្នាំ 2019 នៃពានរង្វាន់ទូរស័ព្ទល្អជាងគេនៅអាស៊ី។
ក្រៅពីពានរង្វាន់ ដែលទទួលបាននៅ MWC ទីក្រុងសៀងហៃ Huawei P30 Pro ក៏ឈ្នះពានរង្វាន់ស្មាតហ្វូនល្អបំផុតប្រចាំឆ្នាំ 2019 មួយទៀតផ្ទួនៗ ពី European Hardware Association ផងដែរ។ កាលពីឆ្នាំមុន ពានរង្វាន់នេះក៏បានទៅលើក្រុមហ៊ុន Huawei ដែរ លើម៉ូដែល Huawei P20 Pro។
P30 សេរ៊ី ទទួលបានពានរង្វាន់ទាំងពីរនេះ បន្ទាប់ពីទទួលបានការកោតសរសើរមិនដាច់ពីមាត់ពីអតិថិជននៅជុំវិញពិភពលោក និងស្ថាប័នផ្សព្វផ្សាយជាច្រើន លើកាមេរ៉ា SupersSensing Leica សមត្ថភាពហ្សូមបានដល់ឋានព្រះច័ន្ទ ថាមពលថ្មប្រើបានយូរ និងការរចនាដ៏ប្រណីត ជាមួយជម្រើសពណ៌ដ៏គួរឲ្យទាក់ទាញដូចជា Breathing Crystal និង Amber Sunrise ដែលជាពណ៌ថ្មីដំបូងគេបង្អស់ក្នុងទីផ្សារស្មាតហ្វូន។ មិនតែប៉ុណ្ណោះ P30 សេរ៊ី ក៏បានបំបែកកំណត់ត្រាការលក់បាន 10,000,000 គ្រឿង ត្រឹមតែ 85 ថ្ងៃដំបូងបន្ទាប់ពីការសម្ពោធជាផ្លូវការ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
