ខេត្តកណ្តាល ៖ ជនសង្ស័យម្នាក់ត្រូវបានកម្លាំងនគរបាលស្រុកអង្គស្នួលធ្វើការឃាត់ខ្លួន បន្ទាប់ពីធ្វើសកម្មភាពប្រើអំពើហិង្សាទៅលើស្ត្រីម្នាក់ដោយប្រើខ្សែភ្លើង និងច្រវ៉ាក់ បណ្តាលឲ្យរងរបួសពេញខ្លួន ដែលហេតុការណ៍នេះបានកើតឡើង កាលពីវេលាម៉ោង៦និង៣០នាទីព្រឹក ថ្ងៃទី០១ ខែកក្កដានេះ នៅចំណុចភូមិចុងបង្គោល ឃុំបែកចាន ស្រុកអង្គស្នួល ខេត្តកណ្ដាល ។
សមត្ថកិច្ចបានឲ្យដឹងថា ជនសង្ស័យត្រូវបានសមត្ថកិច្ចឃាត់ខ្លួនមានឈ្មោះ អែល ណាវីន ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់ដូង ស្នាក់នៅភូមិចុងបង្គោល ឃុំបែកចាន ស្រុកអង្គស្នួល ។
តាមចម្លើយសារភាពរបស់ជនសង្ស័យបានឆ្លើយថា ខ្លួនបានស្រឡាញ់គ្នារយៈពេលប្រហែល១ខែមកហើយ តែមិនដែលបានគេង ឬរួមភេទជាមួយគ្នាទេ ។
សមត្ថកិច្ចបានបន្តថា នៅមុនពេលកើតហេតុជនរងគ្រោះ និងជនសង្ស័យបានស្រឡាញ់គ្នាចេញចូលកន្លែងនាងស្នាក់នៅរយៈពេលប្រហែល១ខែមកហើយ តែនៅយប់ថ្ងៃទី៣០ ខែមិថុនានេះ ជនរងគ្រោះ និងជនសង្ស័យបានដេកជាមួយគ្នានៅផ្ទះជនសង្ស័យ លុះព្រឹកឡើងជនរងគ្រោះងើបទៅផ្សារ ចំណែកឯជនសង្ស័យងើបឡើងបាត់ទូរស័ព្ទម៉ាកអាយហ្វូនហ្វាយ និងលុយ១៦ម៉ឺនរៀល ទើបធ្វើឲ្យជនសង្ស័យទៅរកឃើញ លុះប្រទះឃើញជនរងគ្រោះកំពុងដើរចេញពីផ្សារ ទើបជនសង្ស័យហៅទៅផ្ទះវិញ ។ លុះពេលដល់ផ្ទះបានចាប់ជនរងគ្រោះដាក់ច្រវ៉ាក់ទៅ នឹងរទេះដឹកដូងរួចយកខ្សែភ្លើងវាយតែម្ដង ។
ជនរងគ្រោះមានឈ្មោះ យ ស ជ អាយុ១៤ឆ្នាំ ជនជាតិខ្មែរ មុខរបរលក់ស៊ុប នៅស្រុកអង្គស្នួល ខេត្តកណ្តាល ។ បើតាមសម្តីជនរងគ្រោះបានឆ្លើយថា គាត់បានស្រឡាញ់គ្នាជិត១ខែមកហើយ តែមិនដែលរួមភេទទេបានត្រឹមតែអោបថើប ។
ក្រោយកើតហេតុសមត្ថកិច្ចបានធ្វើការឃាត់ខ្លួនជនសង្ស័យ និងយកទៅធ្វើការសាកសួរនៅប៉ុសិ៍្ត ដើម្បីចាប់ការតាមនីតិវិធីច្បាប់ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]