ផុតពីតារាមួយចូលតារាមួយ! ពេលនេះ Dj tonhorm លែងលះស្វាមីវ័យក្មេងដែរហើយ ខណៈមូលហេតុ មិនទម្លាយ!

ថៃ៖ នៅទីបំផុតចំណងអាពាហ៍ពិពាហ៍របស់តារាស្រី អ្នកនាង Dj Tonhorm និងស្វាមីវ័យក្មេង បានឈានដល់ដំណាក់លែងលះគ្នា ដោយបានបន្សល់ឈាមរួមគ្នា គឺកូនប្រុសតូចម្នាក់ផងដែរ។

ជាមួយនឹងការដែលប្រកាសជាសាធារណៈ ពីដំណឹងនៃការលែងលះរវាង តារាស្រី អ្នកនាង Dj Tonhorm និងស្វាមីវ័យក្មេងរូបនោះ បានធ្វើឲ្យគ្រប់គ្នាភ្ញាក់ផ្អើលជាខ្លាំង ព្រោះថាកន្លងមកគ្រួសារតូចមួយនេះ មិនដែលធ្លាប់លេចលឺរឿងអាស្រូវទំនាស់នៅក្នុងគ្រួសារនោះឡើយ ដោយឃើញតែភាពផ្អែមល្ហែមដែលពួកគេតែងតែមានចំពោះគ្នា។

ទន្ទឹមនឹងដំណឹងនៃការលែងលះរបស់តារាស្រីរូបនេះ និងអតីតស្វាមី ក៏ត្រូវបានគេប៉ាន់ស្មានថា អាចដោយសារមកពីមានជនទី៣ ដែលចូលមកបំផ្លាញគ្រួសារតូចមូយនេះផងដែរ តែយ៉ាងណាមិញ ត្រង់ចំណុចមួយនេះ ក៏ត្រូវបានតារាស្រីរូបនេះ សុំមិនធ្វើការបកស្រាយនោះឡើយ។

គួរបញ្ជាក់ផងដែរថា មួយរយៈចុងក្រោយនេះ មានតារាជាច្រើន បានប្រកាសបែកគ្នា និងលែងលះគ្នាជាបន្តបន្ទាប់ ដោយអះអាង និងលើកហេតុផលផ្សេងៗគ្នា។ ហើយពេលនេះ Dj Tonhorm ក៏បានលែងលះប្តីខ្លួនដែរ ទាំងដែលពួកគេ ស្រលាញ់ ស្ទើរលេបទៅហើយ៕

• តារាថៃ