យូរៗមានកម្មវិធីម្ដង ពៅ ពិសិដ្ឋ ប្អូនប្រុសបង្កើត ពៅ លីដា ធ្វើខួបកំណើតម្តង ផ្អើលអស់តារា និងបានកាដូរាប់ភ្លេច!

ភ្នំពេញ៖ បើនិយាយទៅដល់តារាសម្ដែងប្រុស លោក ពៅ ពិសិដ្ឋ ប្រាកដជាមានប្រិយមិត្តចាប់អារម្មណ៍ខ្លាំង ទៅលើរូបស្រស់ សាច់សខ្ចី មាឌធំ សង្ហារបស់ខ្លួន ជាក់ជាមិនខាន។

ជាមួយគ្នានេះ តារាសម្ដែងប្រុស ដ៏មានប្រជាប្រិយភាពរូបនេះ ក៏ទទួលបានការគាំទ្រទៅលើសមត្ថភាពសម្ដែងរបស់ខ្លួន ពីសំណាក់ទស្សនិកជនមិនតិចនោះទេ ព្រមបានសម្ដែងនៅក្នុងខ្សែភាពយន្តធំៗថែមទៀតផង នាពេលកន្លងមក។

ជាក់ស្ដែង កាលពីយប់មិញនេះ នៅលើបណ្តាញសង្គមមានរឿងដ៏គួរឲ្យចាប់អារម្មណ៍មួយក្រោយពេលឃើញ គណនីហ្វេសប៊ុកផ្លូវការរបស់តារាសម្ដែងប្រុស លោក ពៅ ពិសិដ្ឋ ត្រូវជាប្អូនប្រុសបង្កើតរបស់តារាសម្ដែងស្រី កញ្ញា ពៅ លីដា បានបង្ហោះរូបភាពជាច្រើន ជាមួយនឹងទិដ្ឋភាពពិធីខួបកំណើតរបស់ខ្លួន។

ក្នុងនោះផងដែរ បើផ្អែកទៅលើការបង្ហោះនោះ គេសង្កេតឃើញថាពិធីខួបកំណើតរបស់ លោក ពៅ ពិសិដ្ឋ ទទួលបានការចូលរួមពីសំណាក់ មិត្តៗក្នុងសង្គមសិល្បៈ រួមជាមួយតារាប្រុស ស្រី ជាច្រើនរូបទៀត អមទៅដោយកាដូយ៉ាងច្រើន ធ្វើឲ្យកម្មវិធីនេះរឹតតែសប្បាយរីករាយថែមមួយកម្រិតទៀត៕

• ពៅ លីដា
• ពៅ ពិសិដ្ឋ
• រូបភាព
• តារាខ្មែរ