សុខ ជំនោរ បង្ហាញរូបថតយ៉ាងមានសុភមង្គល ខណៈពេលប្រពន្ធ ជិតដល់ថ្ងៃសម្រាល!

ភ្នំពេញ៖ បន្ទាប់ពីរៀបអាពាហ៍ពិពាហ៍ អស់រយៈពេលប៉ុន្មានឆ្នាំរួចមក កវីនិពន្ធដ៏ល្បីល្បាញម្នាក់ គឺលោក សុខ ជំនោរ  បានធ្វើឲ្យមហាជន ចាប់អារម្មណ៍យ៉ាងខ្លាំងលើជីវិតស្នេហា ដ៏ផ្អែមល្ហែម ស្អិតរមួតជាមួយភរិយាដ៏ស្រស់ស្អាតម្នាក់។

ម៉្យាងទៀត មានមហាជនជាច្រើន​ បានសរសើរថា​ កវីរូបនេះ បានបំពេញតួនាទីជាស្វាមីដ៏ល្អ និងចេះយកចិត្តទុកដាក់ ថ្នាក់ថ្នមភរិយា មិនឲ្យទាស់ចិត្តឬ មានភាពរកាំរកូស អ្វីនោះឡើយ។

ជាពិសេស ថ្មីៗនេះ គូស្នេហ៍មួយគូនេះ​ ទទួលបានចំណងដៃថ្មី ដោយមានបុត្រក្នុងផ្ទៃម្នាក់ហើយ តែបើក្រលេកមើល សម្រស់របស់ភរិយា របស់លោក ជំនោរ វិញគឹក្រមុំៗឃើញហើយ សំុចាញ់តែម្ដង។ ជាក់ស្ដែង​ តាមរយៈគណនីហ្វេសប៊ុក​របស់ម្ចាស់​បេះដូងរបស់លោក បានបង្ហោះរូបភាព ជាច្រើនសន្លឹក បង្អួតពីសម្រស់ដែលមិនប្រែប្រួល គឺនៅតែគួរឲ្យទាក់ទាញ ទោះបីជានៅពេល កំពុងពរពោះ ក៏ដោយ។

អ្វីដែលគួរឲ្យកត់សម្គាល់ខ្លាំងនោះគឺ រាល់រូបភាពមើលទៅ ពោរពេញដោយសុភមង្គល និងប្រកដដោយស្នាមញញឹម យ៉ាងសប្បាយរីករាយ ត្រៀមទទួល ស្វាគមន៍សមាជិកថ្មី ចូលក្នុងជីវិតរបស់ ពួកគេទាំងពីរ៕

• រូបភាព
• តារាខ្មែរ