ខេត្តបាត់ដំបង ៖ មន្ត្រីនគរបាលព្រហ្មទណ្ឌកម្រិតធ្ងន់បានចាប់ខ្លួនយុវជន ម្នាក់កាលពីរសៀលថ្ងៃទី២០ មីនា នៅភូមិថ្មី ឃុំកំពង់ព្រៀង ស្រុកសង្កែ ក្រោយពីមានបណ្តឹងចោទប្រកាន់ថា ជននេះពាក់ព័ន្ធលើសំណុំរឿងចាប់នាងក្រមុំម្នាក់រំលោភសេព សន្ថវៈរហូតបានសម្រេចកាលពីចុងសប្តាហ៍មុន ក្នុងគ្រាដែលនាងទៅកាន់ផ្ទះរបស់យុវជននោះតាមការបោក បញ្ឆោត ។
មន្ត្រីនគរបាលប្រាប់ថា យុវជនជាប់ចោទឈ្មោះភុំ រតនា អាយុ១៩ឆ្នាំ រស់នៅក្នុងភូមិថ្មី ឃុំកំពង់ព្រៀង ត្រូវជាប់សង្ស័យថា បានចាប់រំលោភនាងក្រមុំអាយុ១៩ឆ្នាំ ជានិស្សិតម្នាក់ ។ មន្ត្រីដដែលបាននិយាយថា ហេតុការណ៍នេះបានកើតឡើងកាលពីរសៀលថ្ងៃទី១៧ មីនា នៅក្នុងផ្ទះរបស់យុវជននេះក្នុងគ្រាដែលនាងយកផ្លែម៉ាក់ ប្រាងទៅឱ្យដល់ផ្ទះតាមការបញ្ឆោតរបស់ជននេះដែលមាន គម្រោងរួចជាស្រេច ។ សមត្ថកិច្ចបន្តថា ក្រោយបែកធ្លាយរឿងអាស្រូវនេះ ម្តាយរបស់នាងបានដាក់ពាក្យបណ្តឹងនៅការិយាល័យជំនាញនៃ ស្នងការដ្ឋានខេត្ត ទើបសមត្ថកិច្ចចុះចាប់ខ្លួនជនសង្ស័យខាងលើនេះតែម្តង ។
តាមបណ្តឹងរបស់ម្តាយនារីរងគ្រោះអាយុ៤២ឆ្នាំ បានឱ្យដឹងថា អ្នកស្រីបានដឹងរឿងនេះនៅល្ងាចថ្ងៃកើតហេតុដោយឃើញ កូនស្រីអង្គុយយំ ។ ពេលអ្នកស្រីសួរនាំទើបកូនស្រីប្រាប់ការពិត ហើយអ្នកស្រីក៏មកប្តឹងសមត្ថកិច្ចតែម្តង ។ គាត់និយាយថា ការពិតជននោះមានគំនិតបោកបញ្ឆោតកូនស្រីគាត់ ដើម្បីល្បួងយកទៅចាប់រំលោភតែម្តង ព្រោះនាងមិនធ្លាប់ទំនាក់ទំនងជាមួយជននេះទេ ។
ជនត្រូវចោទឈ្មោះភុំ រតនា បានប្រាប់ថា ពេលរួមមេត្រីនាងហាក់ដូចជាព្រមព្រៀងដែរ តែជននេះបានសារភាពថា ខ្លួនពិតជាមានកំហុសដោយសារតែបានបង្ខំនាង ។ ជននោះបានបន្តថា ពេលខ្លួនបង្ខំឱ្យនាងដោះសម្លៀកបំពាក់នាងបានប្រាប់ ឱ្យខ្លួនបិទភ្នែក ហើយខ្លួនធ្វើតាម លុះបន្តិចក្រោយមកពេលខ្លួនបើកភ្នែកវិញ ឃើញនាងស្រាតខោរួចស្រេចសល់តែអាវយឺត ហើយខ្លួនក៏នាំនាងទៅរួមមេត្រីក្នុងបន្ទប់ទឹកតែ ម្តង ។ ប៉ុន្តែក្នុងរបាយការណ៍របស់សមត្ថកិច្ចជននេះនិយាយថា ខ្លួនពិតជាបានប្រាប់ឱ្យនាងយកផ្លែម៉ាក់ប្រាងមកឱ្យ ខ្លួនមែន លុះមកដល់ផ្ទះខណៈមានភ្លៀងធ្លាក់ខ្លាំងផង គួបផ្សំខ្លួនមានចិត្តស្រឡាញ់នាងផង ខ្លួនក៏ចាប់ឱបនាងរហូតទ្រាំមិនបានក៏ចាប់នាងរំលោភតែ ម្តងទៅ ។ ការពិតខ្លួន និងនាងមិនធ្លាប់ស្រឡាញ់គ្នាពីមុនមកទេ ។
រីឯនារីរងគ្រោះវិញ បានប្រាប់សមត្ថកិច្ចថា នាងបានស្គាល់យុវជននេះតាមរយៈមិត្តភកិ្តស្រីម្នាក់ ហើយធ្លាប់ជួបជននេះម្តងគត់ ខណៈដែលមិត្តភកិ្តនោះ ប្រើឱ្យនាងយករូបថតទៅឱ្យជននេះ ។ នាងបន្តថា លុះនៅថ្ងៃទី១៦ មីនា ឈ្មោះភុំ រតនា បានទូរស័ព្ទប្រាប់ឱ្យនាងយកផ្លែម៉ាកប្រាងទៅឱ្យចំនួន ៣គីឡូក្រាម ដោយជននេះប្រាប់ថា សម្រាប់ភ្ជាប់ពាក្យបងរបស់គេនៅថ្ងៃទី១៧ មីនា លុះដល់ថ្ងៃកំណត់ពេលនាងយកទៅឱ្យមិនឃើញមានកម្មវិធី អីទេ ។ ពេលទៅដល់បានប្រហែល១៥នាទីឈ្មោះរតនា បាននាំនាងទៅអង្គុយលេងក្នុងផ្ទះតូចមួយនៅខាងក្រោយ ប្រហែល១០០ម៉ែត្រ ហើយគ្រានោះក៏មានភ្លៀងធ្លាក់ខ្លាំង ។ ជននេះបានបិទទ្វារបង្អូចជិតអស់ រួចចាប់ផ្តើមសុំស្រឡាញ់នាង និងចាប់ឱបនាងផ្តួលលើគ្រែ ។ នាងបញ្ជាក់ថា គ្រានោះនាងបានព្យាយាមស្រែកឱ្យគេជួយដែរ តែគ្មានអ្នកណាឮទេ ហើយជននេះបានចាប់សម្រាតខោអាវនាងរួចចាប់នាងរំលោភទាល់ តែបានសម្រេចរហូតរាំងភ្លៀង ទើបគេព្រមឱ្យនាងត្រឡប់ទៅផ្ទះវិញ ។ នាងបញ្ជាក់បន្ថែមថា នាងមិនធ្លាប់ទាក់ទងជាមួយជននេះទេ ទើបតែស្គាល់តាមរយៈមិត្តភក្តិម្តងតែប៉ុណ្ណោះ ។
លោកជេត វណ្ណនី ស្នងការរងខេត្តមានប្រសាសន៍ថា ជនឈ្មោះភុំ រតនា ហាក់មានគម្រោងបោកបញ្ឆោតនាងរួចជាស្រេច ដើម្បីចាប់នាងរំលោភ ។ លោកនិយាយថា ក្នុងសំណុំរឿងនេះ គ្មានចំណុចណាមួយដែលជនសង្ស័យអះអាងថា ជាការត្រូវរ៉ូវគ្នាមុននោះទេ ព្រោះពួកគេទាំង២នាក់គ្មានប្រវត្តិទំនាក់ទំនងគ្នាពីមុន មកឡើយ ។ ដូច្នេះ នេះជាចេតនាដែលជននេះមានគំនិតបោកបញ្ឆោតនាងដើម្បីចាប់ នាងរំលោភតែម្តង ។ ក្នុងសំណុំរឿងរំលោភសេពសន្ថវៈនេះ តាមមន្ត្រីជំនាញបានឱ្យដឹងថា ប៉ុន្មានខែចុងក្រោយនេះហាក់ដូចជាមានការកើនឡើងយ៉ាង ខ្លាំង ប៉ុន្តែជនប្រព្រឹត្តភាគច្រើនត្រូវបានបង្ក្រាប និងបញ្ជូនទៅកាន់តុលាការ ៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]