កូនល្អ! ខាត់ សុឃីម កំពុងធ្វើផ្ទះដ៏ធំស្កឹមស្កៃ ជូនអ្នកមានគុណទាំង២រស់នៅ​ យ៉ាងប្រពៃ

ភ្នំពេញ៖ ទោះបីជាតារាពហុជំនាញអ្នកនាងខាត់ សុឃីម កាន់តែមានវ័យច្រើនយ៉ាងណាក្តី ក៏ប៉ុន្តែឃើញថាប្រជាប្រិយភាព ក៏ដូចជាហាងឆេងនៅក្នុងការងារសិល្បៈរបស់នាង នៅតែមានជានិច្ច ដែលតែងតែលេចមុខនៅក្នុងកម្មវិធីធំៗជាច្រើន។

យ៉ាងណាមិញ ជារៀងរាល់ថ្ងៃតារាស្រីរូបនេះមានភាពមមាញឹកខ្លាំងនៅក្នុងការងារសិល្បៈ ក៏ប៉ុន្តែទោះបីជារវល់បែបណា នាងតែងតែយកពេលទំនេរនៅក្បែរគ្រួសារ ជាពិសេសឪពុកម្តាយរបស់នាងជានិច្ច ក្រោមសកម្មភាពពោរពេញដោយសុភមង្គលជានិច្ច។

តែអ្វីដែលកាន់តែគួរឲ្យសរសើរខ្លាំងនោះគឺ កាលពីពេលថ្មីៗនេះ តារាស្រីរូបនេះបានធ្វើការបង្ហាញជាមួយនឹងផ្ទះដ៏ធំស្កឹមស្កៃ ដែលកំពុងតែរៀបចំសាងសង់ ជូនដល់អ្នកមានគុណទាំងពីរ គឺលោកឪពុក អ្នកម្តាយរបស់នាង ដើម្បីបានរស់នៅជាមួយនឹងទេសភាពបែបធម្មជាតិ។

ទន្ទឹមនឹងនេះដែរម្តាយឪពុករបស់នាងពិតជារំភើប និងសប្បាយរីករាយយ៉ាងខ្លាំង ដែលកូនស្រីជាទីស្រលាញ់រូបនេះ ដឹងគុណម្តាយ ខំចំណាយលុយអស់រាប់ម៉ឺនដុល្លារ ដើម្បីបានទ្រនំខ្ពស់ឲ្យលោកទាំង២រស់នៅ យ៉ាងមានក្តីសុខ៕

សូមទស្សនារូបភាពខាងក្រោមនេះ 

• ខាត់ សុឃីម
• តារាខ្មែរ