អង់គ្លេស៖ ក្លិបបិសាចក្រហម Manchester United បានយល់ព្រមជាមួយក្លិបយក្សនៅ La Liga គឺ Real Madrid ក្នុងការលក់ Paul Pogba ប៉ុន្តែចង់បានខ្សែការពារជួរមុខ Raphael Varane ក្នុងការដោះដូរ។
យោងតាមសារព័ត៌មាន Diario Gol បានរាយការណ៍ថា Pogba ដែលជាកីឡាករសំខាន់បំផុតក្នុងបញ្ជីទិញចូលរបស់លោក Zidane នារដូវកាលនេះ ត្រូវបានក្លិប Man Utd អនុញ្ញាតឲ្យចាកចេញអំឡុងទីផ្សារដោះដូរកីឡាកររដូវក្ដៅនេះ។ អ្នកចាត់ការទូទៅ Man Utd លោក Ole Gunnar Solskjaer បានយល់ព្រមជាមួយ Pogba ក្នុងការចាកចេញជាមួយតម្លៃខ្លួនលើស ១៥០លានអឺរ៉ូ ហើយលោកក៏កំពុងតែសម្លឹងមើលកីឡាករផ្សេងមកចូលរួមជាមួយនឹងក្លិបផងដែរ។
បន្ថែមលើសពីនេះ ខ្សែការពារដែលជួយបារាំងលើកពាន World Cup កីឡាករ Raphael Varane កំពុងស្ថិតនៅក្នុងការចង់បានរបស់លោក Ole Gunnar Solskjaer ខណៈអ្នកចាត់ការទូទៅរូបនេះមានបំណងពង្រឹងតំបន់ខាងក្រោយឲ្យបានល្អ។ បើយោងទៅតាមសារព័ត៌មាន Diario Gol, អ្នកចាត់ការទូទៅសញ្ជាតិន័រវេសម្នាក់នេះជឿថាអាចយកកីឡាករ Varane បានតាមរយៈការពិភាក្សាដោះដូរជាមួយ Pogba និងក្លិប Real Madrid ដោយមានការបញ្ចុះតម្លៃខ្លួន។
បញ្ជាក់ផងដែរថា កីឡាករ Pogba និង Varane សុទ្ធតែបានរួមចំណែកជួយបារាំងឲ្យក្លាយជាម្ចាស់ជើងឯកបាល់ទាត់ពិភពលោក World Cup 2018 កាលពីឆ្នាំទៅក្រោយបារាំងខកខានអស់រយៈពេល២០ឆ្នាំ៕
ប្រភព: foxsportasia
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]