អេស្ប៉ាញ៖ ក្លិបបាល់ទាត់ Valencia បានធ្វើការប្រកាសជាផ្លូវការ អំពីការចុះកិច្ចសន្យានាំយកអ្នកចាំទី Jasper Cillesen ពីក្លិបបាល់ទាត់ Barcelona ក្រោយពីធ្វើតេស្តសុខភាពបានជោគជ័យ ដែលមានន័យថា Cillesen នឹងអាចបង្ហាញខ្លួនក្នុងព្រឹត្តិការណ៍ Champions League ជាមួយ Valencia បានសម្រាប់រដូវកាលក្រោយ។
អ្នកចាំទី Cillesen បានក្លាយជាជម្រើសទី២ ដ៏ល្អបំផុតសម្រាប់ក្រុមអ្នកមានបុណ្យ Barcelona បន្ទាប់ពីបានផ្ទេរមកពី Ajax កាលពីឆ្នាំ ២០១៦ កន្លងទៅ ប៉ុន្តែយ៉ាងណាមិញ អាចមកពីការលំបាកក្នុងការប្រជែងជម្រើសដំបូងជាមួយកីឡាករ Ter Stegen ក៏ដូចជាដើម្បីស្វែងរកឱកាសបង្ហាញខ្លួនញឹកញាប់ ដែលជាមូលហេតុធំបំផុតមួយរបស់ Cillesen នៃការចូលរួមជាមួយ Valencia។
យ៉ាងណាមិញ ការចាកចេញរបស់ Cillesen នឹងអាចធ្វើឱ្យកៅអីជម្រើសបម្រុងរបស់ Barcelona នៅទំនេរផងដែរ ហើយបើតាមប្រភពពី AS ក៏ដូចជា Marca បានឱ្យដឹងថា Valencia និង Barcelona បានព្រមព្រៀងរួចជាស្រេច សម្រាប់ការនាំយកកីឡាករ Neto ដែលជាអ្នកចាំទីរបស់ V;ancia មកជំនួសកន្លែងរបស់ Cillesen ក៏ដូចជាត្រៀមសម្រាប់ដៃទី២បន្ទាប់ពី Marc Ter-Stegen៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
