អង់គ្លេស៖ ក្លិបជើងឯករង UEFA Champions League មាន់ខ្នាយមាស Tottenham Hotspurs បានយល់ព្រមបំបែកឯតទគ្គកម្មតម្លៃ ៦៥លានផោនទៅឲ្យ Lyon ក្នុងការទិញយកខ្សែបម្រើ Tanguy Ndombele នេះបើតាមសារព័ត៌មាន Sky Sports។
កីឡាករជម្រើសជាតិបារាំងរូបនេះនឹងចុះកិច្ចសន្យារយៈពេល៥ឆ្នាំនៅលើទឹកដី White Heart Land ហើយការពិនិត្យសុខភាពនឹងធ្វើឡើងក្នុងរយៈពេលប៉ុន្មានថ្ងៃខាងមុខនេះ។ ក្លិបលេងនៅ Ligue 1 ធ្លាប់ប្រាប់ Spurs ថាបើសិនជាចង់បាន Ndombele គឺត្រូវចំណាយប្រមាណជា ៦៣លានផោន ខណៈ Lyon ទិញកីឡករវ័យ ២២ឆ្នាំម្នាក់នេះពីក្លិប Amiens ត្រឹមតែតម្លៃខ្លួន ៧លានផោនប៉ុណ្ណោះកាលពីរដូវកាលមុន។
ថ្លែងប្រាប់ទៅកាន់កាសែតបារាំង Telefoot កាលពីសប្ដាហមុនកីឡាករ Ndombele បាននិយាយថា “វាជាការពិត Tottenham គឺជាក្រុមដ៏ល្អមួយ ក្លិបធំមួយ។ ពួកគេបញ្ចប់ដោយទទួលបានចំណាត់ថ្នាក់លេខ៤ក្នុងលីគ ហើយពួកគេក៏បានឡើងទៅដល់វគ្គផ្ដាច់ព្រ័ត្រ Champions League ទៀត។ Spurs គឺជាក្លិបធំមួយដូចក្លិបផ្សេងៗទៀតដែរ, តើកីឡាករមួយរូបណាដែលមិនចាប់អារម្មណ៍ក្នុងការលេងឲ្យក្លិបធំនោះ??” ។
ក្រៅពីក្រុមដែលដឹកនាំដោយលោក Mauricio Pochettino កីឡាករ Ndombele ត្រូវបានក្លិបធំៗនៅអឺរ៉ុបចាប់អារម្មណ៍ជាច្រើនដូចជា PSG, Man Utd និង Juventus។
បញ្ជាក់ផងដែរថា កីឡាករដែល Spurs ធ្លាប់ទិញមកមានតម្លៃខ្លួនថ្លៃជាងគេនោះគឺកីឡាករខ្សែការពារជម្រើសជាតិកូឡាប៊ី Davinson Sanchez ជាមួយតម្លៃខ្លួន ៣៦លានផោន ក្នុងការផ្ទេរមកពី Ajax កាលពីរដូវកាល ២០១៧-២០១៨៕
ប្រភព: Skysports
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]