អាយុមិនតិចទេ ប៉ុន្តែ Pattie នៅតែស្អាតក្មេងជាងវ័យ អ្នកមិនដឹងស្មានតែអាយុ១៦!

ថៃ៖ តារាសម្តែងស្រីញញឹមស្រស់ Pattie Ungsumalynn ដែលប្រិយមិត្តនិយមតាមដានរឿងភាគបែបយុវវ័យរបស់ប្រទេសថៃ ប្រាកដជាស្គាល់នាងជាក់ជាមិនខាន ព្រោះតារាស្រីរូបនេះមានភាពល្បីល្បាញខ្លាំង និងមានអ្នកគាំទ្រជាច្រើន ទាំងក្នុង និងក្រៅប្រទេស។

ប៉ុន្តែមួយរយៈក្រោយនេះ Pattie ហាក់ដូចជាមិនសូវបង្ហាញវត្តមាននៅក្នុងវិស័យសិល្បៈដូចមុននោះទេ។ ដោយភាគច្រើនគេសង្កេតឃើញថា នាងតែងតែប្រើពេលធ្វើដំណើរកម្សាន្តទៅក្រៅប្រទេសជាមួយគូស្នេហ៍យ៉ាងផ្អែមល្ហែម។

ដោយឡែក បើក្រឡេកមកមើលតាមរូបសម្រស់របស់តារាស្រីរូបនេះវិញ ស្ទើរតែស្មានមិនដឹងពីអាយុពិតរបស់នាងឡើយ។ ព្រោះថាតាំងពីពេលចូលសិល្បៈដំបូង រហូតមកដល់ពេលនេះ Pattie ដូចជាមិនប្រែប្រួលទាល់តែសោះ ទាំងដែលបច្ចុប្បន្ននាងមានអាយុ ២៧ឆ្នាំហើយក៏ដោយ។

ចំណែកឯ ការតុបតែងខ្លួនរបស់នាងវិញក៏មិនធម្មតាដែរ នាងចូលចិត្តស្លៀកពាក់ឃ្យូតៗ ម៉ូដសក់ខ្លីប៉ោង ជាមួយការផាត់មុខស្រាលបែបធម្មជាតិ កាន់តែធ្វើឲ្យក្មេងថែមមួយកម្រិតទៀត។

បន្ថែមលើនេះ សម្រស់ដែលមិនចាស់របស់នាង ត្រូវបានហ្វេនៗលួចសរសើរមិនដាច់ពីមាត់ ហើយថែមទាំងចង់ដឹងពីវិធីសាស្រ្តនៃការថែរក្សាសម្ផស្សទៀតផង៕

ចង់ដឹងកាន់តែច្បាស់ថា តារាស្រីរូបនេះមានសម្រស់ស្រស់ស្អាតយ៉ាងណានោះ តោះ!ទៅទស្សនារូបភាពខាងក្រោមទាំងអស់គ្នា៖  

• រូបភាព
• តារាថៃ