ចូលរួមអបអរផង! ស្ងាត់ៗ ថន លក្ខិណា បញ្ចប់ការសិក្សាដោយជោគជ័យ បើទោះបីជារវល់ការងារសិល្បៈក៏ដោយ!

ភ្នំពេញ៖ អាចនិយាយបានថា ក្នុងពេលបច្ចុប្បន្ននេះតារាសម្ដែងស្រី និងជាពិធីការិនីដ៏មានប្រជាប្រិយភាព កញ្ញា ថន លក្ខិណា ហាក់បីដូចជាមានភាពមមាញឹកនឹងការងារជាច្រើន ទាំងអាជីពជាតារាសិល្បៈ និងការងារសង្គមជាដើម។

ប៉ុន្តែមិនថាយ៉ាងណា បើទោះបីជា លក្ខិណា មានភាពមមាញឹកខ្លាំងនឹងការងារច្រើនយ៉ាងណាក៏ដោយ ក៏ពិធីការិនីរូបស្រស់សម្រស់បាននេះ មិនភ្លេចការសិក្សារៀនសូត្រ តស៊ូរហូតទាល់តែបញ្ចប់ដោយជោគជ័យ សមតាមបំណងរបស់នាងផងដែរ។ 

ជាក់ស្ដែង កាលពីថ្មីៗនេះ កញ្ញា ថន លក្ខិណា ក៏បានបង្ហោះរូបថតមួយសន្លឹក នៅលើគណនីអ៊ីនស្តាក្រាមរបស់នាង ដែលបង្ហាញពីរូបភាពនៅក្នុងថ្ងៃទទួលសញ្ញាបត្រ ស្ថិតក្នុងទឹកមុខពោរពេញដោយស្នាមញញឹម និងក្តីរំភើបរីករាយ ជាមួយនឹងប៉ាម៉ាក់របស់នាងផងដែរ។ 

ទន្ទឹមនឹងនេះ ក៏មានប្រិយមិត្តទស្សនិកជនដែលនិយមលេងបណ្តាញសង្គមជាច្រើន ក៏បានចូលរួមសម្ដែងក្តីអបអរសាទរ ចំពោះភាពជោគជ័យនៃការបញ្ចប់ការសិក្សារបស់កញ្ញា ថន លក្ខិណា ហើយគ្រប់គ្នាក៏បានសរសើរដល់នាង ពីការខិតខំប្រឹងប្រែងមួយនេះ រហូតទទួលបានលទ្ធផលជាទីគាប់ចិត្ត បើទោះបីជាកន្លងមក និងបច្ចុប្បន្ននាងមមាញឹកខ្លាំងនឹងការងារក៏ដោយក្តី៕ 

ទស្សនារូបភាពខាងក្រោម៖ 

• ថន លក្ខិណា
• រូបភាព
• តារាខ្មែរ