ខេត្តកំពត ៖ បើតាមសេចក្តីរាយការណ៍បឋមបានឲ្យដឹងថា សមត្ថកិច្ចនគរបាលស្រុកបន្ទាយមាស ខេត្តកំពត ធ្វើការឃាត់ខ្លួនបុរសម្នាក់កាលពីថ្ងៃទី២៤ ខែមិថុនា ឆ្នាំ២០១៩ ដោយជាប់ពាក់ព័ន្ធថា ករណីបានរំលោភសេពសន្ថវៈលើម្តាយក្មេកអាយុ៧១ឆ្នាំ។
សេចក្តីរាយការណ៍បន្តថា បុរសរូបនោះឈ្មោះ ឡាយ សារីម អាយុ៣៤ឆ្នាំ ជាកូនប្រសារ រស់នៅឃុំត្រពាំងសាលាខាងកើត ស្រុកបន្ទាយមាស ចំណែកម្តាយក្មេករងគ្រោះអាយុ៧១ឆ្នាំ។
បើតាមពាក្យបណ្តឹងរបស់លោកយាយរងគ្រោះបានឲ្យដឹងថា កាលពីម៉ោង១១យប់ ថ្ងៃទី២៣ មិថុនា លោកយាយកំពុងដេកលើគ្រែក្រោយផ្ទះជាមួយចៅស្រីអាយុ៤ឆ្នាំ ស្រាប់តែជនសង្ស័យជាកូនប្រសារចុះពីលើផ្ទះមកបើកមុងចាប់រំលោភសេពសន្ថវៈរូបគាត់បានសម្រេច ។ ក្រោយពីកូនប្រសាររំលោភហើយ នៅព្រឹកថ្ងៃទី២៤ ខែមិថុនា លោកយាយបានទៅប្តឹងសមត្ថកិច្ចឲ្យជួយចាត់ការតាមផ្លូវច្បាប់តែម្តង។
ក្រោយពីទទួលបានពាក្យបណ្តឹងនោះ នារសៀលថ្ងៃដដែល កម្លាំងនគរបាលស្រុកបន្ទាយមាស បានតាមរក និងឈានដល់ការឃាត់ខ្លួនជនសង្ស័យដែលជាកូនប្រសារយកទៅសាកសួរ ។ ហើយនៅចំពោះមុខសមត្ថកិច្ច ជនសង្ស័យបានធ្វើការបដិសេធចំពោះការចោទប្រកាន់នេះ ប៉ុន្តែទោះជាយ៉ាងណាក្តី សមត្ថកិច្ចបាននិងកំពុងធ្វើការឃាត់ខ្លួនជនសង្ស័យ ដើម្បីស្រាវជ្រាវរកការពិតចាត់ការតាមនីតិវិធី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]