ពេលនេះលទ្ធផលនៃការពិនិត្យកូនក្នុងផ្ទៃរបស់ Janie បានដឹងហើយថា ជាកូនប្រុស ឬក៏កូនស្រីនោះ!

ថៃ៖ ដំណឹងល្អនៃការពពោះកូនដំបូង ពិតជាបានធ្វើឲ្យតារាសម្តែងស្រី អ្នកនាង Janie និងស្វាមីវ័យក្មេងនាង មានភាពសប្បាយរីករាយនៅក្នុងចិត្តជាខ្លាំង ព្រោះតែទីបំផុតពួកគេក៏អាចមានទាយាទបន្តវង្សត្រកូល សមតាមបំណងប្រាថ្នារបស់គ្រួសារទាំងសងខាងហើយ។

យ៉ាងណាមិញ អ្វីដែលរឹតតែគួរឲ្យចាប់អារម្មណ៍ខ្លាំងជាងនេះទៅទៀតនោះ គឺនៅពេលនេះ ស្រាប់តែលទ្ធផលនៃការឆ្លុះអេកូមើលទារកនៅក្នុងផ្ទៃរបស់តារាសម្តែងស្រី Janie ក៏បានបង្ហាញឲ្យឃើញថា កូនដំបូងរបស់នាងគឺជាកូនប្រុស ដែលកំពុងតែមានការរីកចម្រើនលូតលាស់ ប្រកបដោយសុខភាពល្អយ៉ាងពេញបរិបូរណ៍។

ក្រោយពេលបានដឹងដំណឹងបែបនេះហើយ ក៏បានធ្វើឲ្យអ្នកគាំទ្រនាងមួយចំនួនធំ ពិតជាសប្បាយរីករាយជំនួស និងសរសើរថា អ្នកនាង Janie ពិតជាមានសំណាងណាស់ ដែលពពោះកូនលើកដំបូងនេះ បានសមបំណងរបស់ស្វាមីវ័យក្មេងរបស់នាងតែម្ដង៕ 

• តារាថៃ