ថៃ៖ ដូចដែលប្រិយមិត្តបានជ្រាបហើយថា រយៈពេល៧ថ្ងៃហើយ ដែលតារាចម្រៀង និងសម្ដែងស្រី កញ្ញា Numtarny ឫ Numtarn បានលាចាកលោកនេះទៅ ដោយក្នុងនោះក៏បានធ្វើឲ្យមហាជន មិត្តភក្តិ និងក្រុមគ្រួសារមានការសោកស្ដាយជាខ្លាំង សឹងតែទទួលយកមិនបាននោះឡើយ។
យ៉ាងណាមិញ ក្រោយពេលពិធីបុណ្យសពរបស់តារាស្រី កញ្ញា Numtarn បានបញ្ចប់ទៅ ពោរពេញទៅដោយទុក្ខសោក ស្រាប់តែឪពុករបស់តារាស្រីរូបនេះ ក៏បានបង្ហោះសារមួយជាលើកដំបូង ដោយជាមួយគ្នានោះ រូបលោកបានសរសេររៀបរាប់ថា៖
«Numtarn ជាកូនស្រី២របស់ខ្ញុំ ជាក្មេងស្រីម្នាក់ដែលរួសរាយតាំងតែពីក្មេង មិនដែលធ្លាប់ធ្វើឲ្យខ្ញុំខកចិត្តសូម្បីតែមួយដង ហើយក៏ជាកូនស្រី និងជានារីម្នាក់ដែលចូលចិត្តយកអាសាអ្នកដទៃជានិច្ច នាងជាកូនដ៏ពូកែជាងគេ ហើយក៏ជាបេះដូង និងកែវភ្នែកនៃគ្រួសារទាំងមូលផងដែរ» ។
ជាមួយនឹងសារមួយនេះ បានរឹតតែធ្វើឲ្យមហាជន និងមិត្តសិល្បៈជាច្រើន អានហើយពិតជារំជួលចិត្តជាខ្លាំង ព្រោះថាក្រៅពីសមាជិកគ្រួសារ ក៏មានមិត្តភក្តិសិល្បៈជាច្រើន តែងតែបានសរសើរពីអត្តចរិត កាលពីតារាស្រីរូបនេះនៅមានជីវិត ថានាងជានារីវ័យក្មេង ដែលតែងតែគិតគូដល់គ្រួសារនាង មុនគិតដល់ខ្លួនឯងទៅទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
