នេះជាទិដ្ឋភាពនៃពិធីបុណ្យសពដ៏សោកសៅរបស់លោក ងួន កែវពេជ្រពិសិដ្ឋ ខណៈសពនឹងបូជានៅថ្ងៃស្អែក នៅវត្តសំបួរមាស!

ភ្នំពេញ៖ បន្ទាប់ពីបានលាចាកលោកទាំងអាល័យ ដោយសារតែជំងឺមហារីកដ៏កាចសាហាវរួចមក លោក ងួន កែវពេជ្រពិសិដ្ឋ ត្រូវបានមហាជនមានការសោកស្ដាយយ៉ាងក្រៃលែង ដោយលែងបានឃើញវត្តមានរបស់លោកទៀតហើយ។

លោក ងួន កែវពេជ្រពិសិដ្ឋ បានទទួលមរណភាពទៅ បន្សល់ទុក្ខនូវអ្នកម្ដាយយ៉ាងចាស់ជរាឲ្យនៅកំព្រាតែម្នាក់ឯង ដែលដើមឡើយមានតែកូនប្រុសម្នាក់ និងម្ដាយម្នាក់នេះតែប៉ុណ្ណោះ។

យ៉ាងណាមិញ តាមរយៈគណនីហ្វេសប៊ុករបស់ សាឡាត់ ស្រីឡាង ក៏បានបង្ហោះនូវសារដ៏មានអត្ថន័យយ៉ាងកម្សត់ និងស្ដាយស្រណោះបងប្រុសដ៏ល្អម្នាក់ ព្រមទាំងបានបញ្ជាក់ទៀតផងដែរថា ពិធីបុណ្យសពនឹងប្រារព្ធឡើងនៅវត្តសំបួរមាស រីឯសពនឹងបូជានៅថ្ងៃអាទិត្យស្អែកនេះ វេលាម៉ោង៨ព្រឹកផងដែរ។

លើសពីនេះ ក៏មានការអំពាវនាវឲ្យមហាជនមានការចូលរួមពិធីបុណ្យសព នៅថ្ងៃស្អែកនេះឲ្យបានច្រើនកុះករផងដែរ ដើម្បីជាការរំលែកទុក្ខ និងជួយដល់ម្ដាយជរារបស់ ងួន កែវពេជ្រពិសិដ្ឋ ដែលកំពុងតែជួបទុក្ខធំបែបនេះ៕ 

• ងួន កែវពេជ្រពិសិដ្ឋ
• រូបភាព
• តារាខ្មែរ