អង់គ្លេស៖ ក្លិបបាល់ទាត់ Chelsea បានធ្វើការតែងតាំងអតីតអ្នកចាំទី Petr Cech ឱ្យកាន់តំណែងជាទីប្រឹក្សាការប្រកួត និងបច្ចេកទេស ក្រោយពីអ្នកចាំទីចាស់វស្សារូបនេះ បានចូលនិវត្តន៍ពីអាជីពជាផ្លូវការកាលពីឆ្នាំ ២០១៨ កន្លងទៅ។ គួរឱ្យដឹងថា ក្រោយការចូលនិវត្តន៍ អ្នកចាំទីសញ្ជាតិឆេករូបនេះ ហាក់មានទំនាក់ទំនងល្អជាមួយក្លិប Chelsea ក៏ដូចជាបានធ្វើការងារយ៉ាងជិតស្និទ្ធជាមួយលោកស្រី Marina Granovskaia ដែលជាប្រធានក្លិប Chelsea ផងដែរ។
ក្រោយទទួលបានតំណែងថ្មី ជាមួយអតីតក្លិបចាស់របស់ខ្លួន លោក Petr Cech បាននិយាយថា៖ “ខ្ញុំពិតជាមានកិត្តិយសណាស់ដែលមានឱកាសនេះដើម្បីចូលរួមជាមួយ Chelsea ម្តងទៀត និងជួយបង្កើតនូវបរិយាកាសល្អបំផុតដែលអាចធ្វើទៅបាន ដើម្បីបន្តភាពជោគជ័យរបស់ក្លិប។ ខ្ញុំពិតជាអន្ទះសារទន្ទឹងរង់ចាំការប្រកួតប្រជែងថ្មីដែលនឹងមកដល់ ហើយខ្ញុំសង្ឃឹមថាខ្ញុំអាចប្រើចំណេះដឹងនិងបទពិសោធន៍បាល់ទាត់របស់ខ្ញុំទាំងអស់ដើម្បីជួយឱ្យក្រុមនេះទទួលបានជោគជ័យបន្ថែមទៀតនាពេលអនាគត”។
គួរបញ្ជាក់ថា Petr Cech ធ្លាប់បានចំណាយពេល និងទទួលបានបទពិសោធន៍ជោគជាំនៅលីគកំពូលអង់គ្លេសជាមួយក្លិប Chelsea និង Arsenal បន្ទាប់ពីមកដល់ទឹកដីអង់គ្លេសតាំងពីឆ្នាំ ២០០៤ ដោយឈ្នះពានរង្វាន់ជាច្រើនដូចជា Premier League x៤ដង, FA Cup x៥ដង និងឈ្នះពាន UCL ម្តង រួមទាំង UEL ម្តងផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
