អង់គ្លេស៖ គ្រូបង្វឹកដែលជួយឲ្យក្លិបហង្សក្រហម Liverpool លើកពាន UEFA Champions League កាលពីរដូវកាលមុនលោក Jurgen Klopp បានបាននិយាយថា “Liverpool ត្រូវតែបន្តចំណាយលុយបើសិនជាចង់ប្រកួតប្រជែងជាមួយក្លិបដ៏ទៃនៅអឺរ៉ុប”។
កាលពីរដូវកាលមុន Liverpool បានចំណាយលុយអស់លើស ១៧០លានផោនក្នុងការនាំយកកីឡាករអ្នកចាំទី Alisson ខ្សែប្រយុទ្ធ Naby Keita និងខ្សែបម្រើពីររូបគឺ Fabinho និង Xherdan Shaqiri។ ជាលទ្ធផលក្រោយចំណាយលុយអស់យ៉ាងច្រើនេះ Liverpool បានឈរចំណាត់ថ្នាក់លេខ២នៅ Premier League និងក្លាយជាម្ចាស់ជើងឯកពានរង្វាន់ UEFA Champions League។
ថ្លែងប្រាប់ទូរទស្សន៍អាល្លឺម៉ង់ ZDF លោក Klopp បានមានប្រសាសន៍ថា “ Liverpool គឺជាក្លិបមួយដែលមានមហច្ឆិតាខ្ពស់ ដូច្នេះបើសិនជាយើងចំណាយប្រាក់ឲ្យដូចក្លិបដ៏ទៃទៀតទេ ពួកយើងនឹងមិនអាចប្រកួតប្រជែងជាមួយគេបាននោះទេ” ។
បញ្ជាក់ផងដែរថា គិតចាប់តាំងពីពេលទីផ្សារដោះដូរកីឡាកររដូវបើកមកទល់នឹងពេលនេះ ក្លិបហង្សក្រហម Liverpool មិនទាន់មានកីឡាករចំណូលថ្មីនៅឡើយទេ៕
ប្រភព៖ dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
