កូរ៉េខាងត្បូង៖ នាព្រឹកព្រលឹមថ្ងៃទី២១ ខែមិថុនានេះ តារាចម្រៀងស្រីកំពុងល្បីល្បាញ Lisa Manoban សមាជិកក្រុម BLACKPINK បានបង្ហាញវត្តមាននៅឯព្រលានយន្តហោះ Incheon ទីក្រុងសេអ៊ូល ដើម្បីធ្វើដំណើរឆ្ពោះទៅកាន់ទីក្រុងប៉ារីស ប្រទេសបារាំង ចូលរួមក្នុងកម្មវិធីរបស់ប៊្រេនល្បីឈ្មោះលំដាប់ពិភពលោក CELINE ។
ជាការពិតណាស់ ការបង្ហាញខ្លួនរបស់ Lisa កាលពីព្រឹកមិញនេះ ទាក់ទាញចំណាប់អារម្មណ៍ ក្រុមអ្នកសារព័ត៌មានក៏ដូចជាមហាជនជាខ្លាំង ជាមួយនឹងស្ទាយ៍តុបតែងខ្លួនដ៏ស្រស់ស្អាតថ្លៃថ្នូរគួរឲ្យសរសើរ។
Lisa បានលេងម៉ូតសម្លៀកបំពាក់បែបសាមញ្ញៗ ដោយបានពាក់នូវអាវយឺតពណ៌ខ្មៅប៊្រេនម៉ាក CELINE ជាមួយនឹង ខោរលុងវែងពណ៌ខ្មៅ មានកាបួបខ្មៅស្ពាយចំហៀង រួមទាំងស្បែកជើងកែងចោទស្រួច ដែលធ្វើឲ្យនាងមើលទៅ កាន់តែមានភាពទាក់ទាញមានមន្តស្នេហ៍ផងដែរ។
ដោយឡែក បើទោះបីជាតារាស្រីវ័យ២២ឆ្នាំរូបនេះ លេងឈុតសម្លៀកបំពាក់បែបងាយស្រួល និងសាមញ្ញយ៉ាងណាក្តី ប៉ុន្តែបើមកដឹងពីតម្លៃនៃរបស់របរប្រើប្រាស់ ក៏ដូចជាគ្រឿងអលង្ការផ្សេងៗ ដែលនៅលើខ្លួនរបស់នាងឯណេះវិញ ប្រាកដណាស់គឺអាចនឹងធ្វើឲ្យអ្នករាល់គ្នាខ្យល់គក៏ថាបានដែរ។
ជាក់ស្តែង ខាងក្រោមនេះគឺជាការរៀបរាប់ពីតម្លៃនីមួយៗ នៃរបស់ប្រើប្រាស់លើមួយតួខ្លួន របស់ Lisa ខណៈពេលដែលនាងធ្វើដំណើរទៅកាន់ទីក្រុងប៉ារីស កាលពីព្រឹកមិញនេះ៖
១. អាវយឺតប៊្រេនម៉ាក CELINE ប្រភេទ Printed Jersey តម្លៃ ៥៤០$។
២. ខោខៅប៊យម៉ាក The Ragged Priest ប្រភេទ Flared Jeans តម្លៃ ១០៨$។
៣. កាបូបស្ពាយចំហៀងម៉ាក Medium Triomphe តម្លៃ ៣,៨៥០$។
៤. ខ្សែកអក្សរ M មានតម្លៃ ៤៤៥$។
៥. ក្រវិលម៉ាក Chaine Hoops តម្លៃ ៤៩០$។
៦. ចញ្ចៀនម៉ាក Floral Ring តម្លៃ ៥,៥៧៤$។
៧. កងដៃម៉ាក Juste Un bracelet តម្លៃ ១១,៨០០$។
៨. កងដៃម៉ាក Cartier តម្លៃ ៦,៨០០$។
៩. នាឡិកាម៉ាក Rolex តម្លៃ ៣១,៥៥០$។
យ៉ាងណាមិញ គ្រាន់តែបូកសរុបតម្លៃរបស់របរទាំងអស់នេះរបស់ Lisa គឺអាចនិយាយបានថា អាចទិញបានផ្ទះល្វែង១ខ្នងតម្លៃជាង៦ម៉ឺនដុល្លារ រស់នៅបានយ៉ាងស្រួលតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
