ជប៉ុន៖ កីឡាករ Fernando Torres បានបញ្ជាក់ពីព័ត៌មាននៃការចូលនិវត្តន៍ពីកីឡាករបាល់ទាត់អាជីពរបស់ខ្លួន ក្រោយចំណាយពេលលើវាលស្មៅជាង ១៨ឆ្នាំ។
កីឡាករ Fernando Torres បានសរសេរនៅលើបណ្តាញសង្គមរបស់ខ្លួនថា៖ “ខ្ញុំមានរឿងសំខាន់មួយចង់ប្រកាសប្រាប់ (ទៅកាន់អ្នកគាំទ្រ)។ បន្ទាប់ពីបានចំណាយពេលវេលាដ៏អស្ចារ្យអស់រយៈពេល ១៨ឆ្នាំ ទីបំផុតពេលវេលានៃការចូលនិវត្តន៍ និងការបញ្ចប់អាជីពរបស់ខ្ញុំក៏បានមកដល់។ ថ្ងៃអាទិត្យ ទី២៣ វេលាម៉ោង ១០:០០នាទីព្រឹក (ម៉ោងនៅជប៉ុន) ខ្ញុំនឹងមានសន្និសីទកាសែតមួយនៅទីក្រុងតូក្យូ ដែលនឹងផ្តល់នូវព័ត៌មានលម្អិតបន្ថែម។ ជួបគ្នានៅទីនោះ!”។
គួរបញ្ជាក់ផងដែរថា Torres បានចំណាយពេលជាង ១៨ឆ្នាំក្នុងអាជីពជាកីឡាករបាល់ទាត់ ដោយបានប្រឡូកជាមួយក្លិប Atletico Madrid នៅឆ្នាំ ២០០១ រហូតដល់ឆ្នាំ ២០០៧ មុននឹងចូលរួមជាមួយក្លិបជាច្រើនដូចជា Liverpool, Chlesea និង AC Milan ជាដើម មុននឹងផ្លាស់ទៅចូលរួមជាមួយក្លិប Sagan Tosu របស់ជប៉ុននៅឆ្នាំ ២០១៨៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
