ស្រីម៉ុច ត្រូវគេសរសើរថា សំណាង កើតមកបានទាំងសម្រស់ និងមានស្វាមីស្រលាញ់ តាមយកចិត្តមិនឲ្យទាស់!

ភ្នំពេញ៖ ជីវិតរបស់មនុស្សស្រី ក្រោយពេលរៀបការរួច មិនអាចជួបជីវិតបានល្អ និងមានសុភមង្គលបានគ្រប់ៗគ្នានោះទេ ជួនកាលអ្នកខ្លះ ក៏បានជួបស្វាមី ប្រកបទៅដោយក្តីករុណា និង មានចិត្តស្រលាញ់ស្មោះស្ម័គ្រជាដើម ចំណែកអ្នកខ្លះក៏បានជួបស្វាមី មិនល្អ ធ្វើឲ្យជីវិតគ្រួសារ កាន់តែអាប់អួរក៏មានផងដែរ។

ប៉ុន្តែបើប្រិយមិត្ត សម្លឹងទៅមើលជីវិតរបស់ តារាសម្តែងស្រីម៉ុច អាចនិយាយបានថា ជីវិតរបស់នាង ពិតជាសំណាង ដែលបានទាំងស្វាមីប្រកបទៅដោយក្តីស្រលាញ់ និងយល់ចិត្តនាងជានិច្ច។ អ្វីដែលគេចាប់អារម្មណ៍បាននោះ គឺស្រីម៉ុច ជាតារាម្នាក់ ដែលចូលចិត្តសប្បាយរីករាយច្រើន តែនាង មិនដែលត្រូវបាន ស្វាមី ឃាត់ឃាំង ឬមិនឲ្យទៅនោះដែរ តែងតែធ្វើយ៉ាងណា ឲ្យនាងសប្បាយ។ ជាពិសេស ស្វាមីរបស់ស្រីម៉ុច តែងតែផ្តល់ក្តីសុខ និងធ្វើជាស្វាមីល្អ និងឪពុកល្អសម្រាប់កូនៗជានិច្ច។

ទង្វើរបស់ស្វាមីរបស់នាងនេះហើយ ជាស្វាមីដែលគ្រប់គ្នា ចង់បានបែបនេះ ដែលចង់បាន ព្រោះថា មានទាំងបេះដូងល្អ ទឹកចិត្តល្អ និងយល់ចិត្តប្រពន្ធគ្រប់យ៉ាង៕