ថៃ៖ ពិតជារឿងមួយគួរឲ្យភ្ញាក់ផ្អើល ខណៈតារាស្រីដែលកំពុងតែមានប្រជាប្រិយភាពប្រចាំបុស្តិ៍ទូរទស្សន៍ថៃលេខ៨ កញ្ញា Joon Cholrudee Amornluk ត្រូវបានគេរាយការណ៍ថាត្រូវបានគេបញ្ចុនសង្គ្រោះនៅមន្ទីរពេទ្យជាបន្ទាន់ បន្ទាប់ពីមានអាការៈកន្ទួលពេញទាំងតួខ្លួន កំឡុងពេលថតខ្សែភាពយន្តមួយ។
យ៉ាងណាមិញ សម្រាប់ស្ថានភាពរបស់តារាស្រីរូបនេះ គឺត្រូវបានក្រុមគ្រូពេទ្យជំនាញខាងសើស្បែក បានបញ្ជាក់ផងដែរថា ដោយយោងតាមរយៈការសួរពីសាមីខ្លួន និងឆ្លងកាត់ការពិនិត្យយ៉ាងយកចិត្តទុកដាក់រួចមក គឺអាចសន្និដ្ឋានបានថានេះបណ្ដាលមកពីការប្រតិកម្មជាមួយនឹងសេរ៉ូមបំប៉នស្បែកឲ្យស ។
ប៉ុន្តែវាមិនបានធ្វើឲ្យប៉ះពាល់ដល់អាយុជីវិតនោះឡើយ ព្រោះថាសេរ៉ូមប្រភេទនេះ គឺគ្រាន់តែប្រភេទវីតាមីន តែដោយសារតែសិរីរាង្គរបស់ តារាស្រី Joon មិនសុំានឹងប្រភេទវីតាមីនណាមួយក្នុងចំណោមវីតាមីន ដែលមាននៅក្នុងសេរ៉ូមប្រភេទនេះ ទើបបណ្ដាឲ្យមានការប្រតិកម្មយ៉ាងដូច្នេះតែម្ដង។
ជាមួយគ្នានេះដែរ ក៏មានមិត្តសិល្បៈ និងបណ្ដាអ្នកគាំទ្រជាច្រើន បានផ្ញើរសារជូនពរដល់តារាស្រី Joon ឲ្យឆាប់ជាសះស្បើយ និងអាចបានវិលត្រឡប់មកបំពេញការងារ សម្រាប់បម្រើមអារម្មណ៍មហាជនជាថ្មីម្ដងទៀតផងដែរ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
