ផ្ទុះការភ្ញាក់ផ្អើល ក្រោយភ្ញៀវទេសចរម្នាក់ ថតជាប់ត្រីឆ្លាមហែលនៅជិតមនុស្សមួយក្រុម តែពួកគេមិនដឹងខ្លួន

អាមេរិក៖ មានអ្នកប្រើប្រាស់បណ្តាញសង្គមជាច្រើន បាននិងកំពុងតែភ្ញាក់ផ្អើលនិងចាប់អារម្មណ៍ជាខ្លាំង ទាក់ទិនទៅរូបថតមួយចំនួន ដែលបង្ហាញឱ្យឃើញថា មានត្រីឆ្លាមមួយក្បាលបានហែលនៅជិតមនុស្សមួយក្រុម តែពួកគេមិនដឹងខ្លួន។

យោងតាមប្រភពបានឱ្យដឹងថា ហេតុការណ៍នេះបានកើតឡើងនៅក្នុងឆ្នេរសមុទ្រ Myrtle ក្នុងរដ្ឋ South Carolina កាលពីពេលថ្មីៗនេះ។

មុនពេលកើតឡើង មានភ្ញៀវទេសចរម្នាក់ឈ្មោះ Ginger Gilmer បានមកស្នាក់នៅក្នុងរីសតមួយកន្លែងឈ្មោះ Cherry Grove ហើយនាងក៏ចេញទៅយ៉រខាងក្រៅ(ជាន់ទី១៥)ដើម្បីថតរូបលេង។ មានអីស្រាប់តែនាងថតជាប់ត្រីឆ្លាមមួយក្បាល កំពុងតែហែលទឹកនៅជិតមនុស្សមួយក្រុម ដែលក្នុងនោះរួមមានកូនក្មេងនៅជិតហ្នឹងផងដែរ។

យ៉ាងណាមិញ នាងបានបង្ហោះរូបថតទាំងនេះចូលទៅក្នុងបណ្តាញសង្គមហ្វេសប៊ុក។ មិនយូរប៉ុន្មានក៏មានអ្នកចែកចាយរូបថតទាំងនេះជាង ២៤,០០០នាក់។

មានអ្នកប្រើប្រាស់បណ្តាញសង្គមមួយចំនួនបាននិយាយថា វាគឺគ្រាន់តែជាត្រីឆ្លាមប្រភេទ Nurse Shark តែប៉ុណ្ណោះ។ ដូច្នេះវាគ្មានគ្រោះថ្នាក់អ្វីនោះទេ។

ចំណែកអ្នកខ្លះទៀតបាននិយាយថា វាអាចនឹងមានគ្រោះថ្នាក់។ គួរតែកុំចុះលេងទឹកហ្នឹងវិញល្អជាង។

យ៉ាងណាមិញ យើងពុំដឹងច្បាស់ថាតើ ឆ្លាមទាំងនោះពិតជាខាំឬវាយប្រហារមនុស្សមួយក្រុមនោះឬយ៉ាងណានោះទេ៕

ចង់ជ្រាបច្បាស់ទស្សនារូបថតខាងក្រោម៖

• រូបភាព