ប្រាប់ហើយ ថាឲ្យដើរប្រយ័ត្ន មានអី ស្រីស្អាត Shu Qi ផ្កាប់មុខនៅលើឆាក ធ្វើឲ្យនាងខ្មាសគេ មិនតិចទេ! (មានវីដេអូ)

ចិន៖ តារាសម្តែងស្រីវ័យ៤៣ឆ្នាំ នាង Shu Qi ធ្វើឲ្យអ្នកគាំទ្រព្រួយបារម្ភមិនស្ទើរ ក្រោយ​នាងបានជួបហេតុការណ៍ ដ៏គួរឲ្យខ្មាសអៀនមួយ នៅចំពោះមុខមនុស្សរាប់រយនាក់។ ដោយកាលពីថ្ងៃទី១៨ ខែមិថុនាទើបកន្លងទៅថ្មីៗនេះ Shu Qi បានចូលរួមនៅក្នុងកម្មវិធីត្បូងប្រ៊េនរបស់អ៊ីតាលី«Bulgari» នៅទីក្រុងសៀងហៃ។

ខណៈពេលដែលតារាស្រីរូបនេះ ឡើងលើឆាកស្រាប់តែរអិលជើងដួលផ្កាប់មុខតែម្តង។ ភ្លាមៗនោះអង្គរក្ស និងអ្នកនៅជិតព្យាយាមជួយលើកនាងឡើងមកវិញ។ បើយោងតាមវីដេអូរអិលដួលរបស់ Shu Qi ដែលត្រូវគេចែកចាយពាសពេញបណ្តាញសង្គម បានឲ្យដឹងថា ឆាកមានសភាពរអិលព្រោះមុនពេលចាប់ផ្តើមកម្មវិធី គឺមានភ្លៀងធ្លាក់។ ម្យ៉ងវិញទៀតនាងពាក់ស្បែកជើងកែងខ្ពស់រហូតដល់ ១០សង់ទីម៉ែត្រឯណោះ។

យ៉ាងណាមិញ ហ្វេនៗលួចសរសើរ Shu Qi ដែលមានទទួលខុសត្រូវខ្ពស់ នៅបន្តកម្មវិធីរហូតដល់ចប់ចុងចប់ដើម ទាំងដែលនាងមានភាពខ្មាសអៀន និងដើរញ័រក្រោយរអិលដួលយ៉ាងណាក្តី៕

ចង់ជ្រាបកាន់តែច្បាស់ សូមទស្សនារូបភាព និងវីដេអូខាងក្រោម៖   

• តារាចិន