បរទេស៖ កីឡាករ Neymar Jr ត្រូវបានសហព័ន្ធបាល់ទាត់អឺរ៉ុប (UEFA) សម្រេចពិន័យព្យួរមិនឱ្យចូលរួមការប្រកួតផ្លូវការរបស់ក្លិប Paris Saint-Germain ក្នុងក្របខណ្ឌ UEFA Champions League រដូវកាលក្រោយ បន្ទាប់ពីសម្រេចទាត់ចោលបណ្តឹងជំទាស់របស់ PSG ពាក់ព័ន្ធនឹងបញ្ហានេះ។
គួរបញ្ជាក់ថា រឿងរ៉ាវនេះបានកើតឡើងបន្ទាប់ពីការប្រកួតជើងទីពីរ រវាង PSG និង Man UTD នៅកីឡដ្ឋាន Parc Des Prince នាទីក្រុងប៉ារីស ដែល Man UTD ទម្លាក់ PSG ក្នុងលទ្ធផលផ្លូវការគួរឱ្យភ្ញាក់ផ្អើល ៣-១។ គ្រាប់បាល់ពិន័យ ១១ម៉ែត្រត្រូវបានផ្តល់ឱ្យ Man UTD បន្ទាប់ពីអាជ្ញាកណ្តាលពិន័យបាល់ប៉ះដៃកីឡាករ Kimpembe ក្នុងប្រអប់គ្រោះថ្នាក់។ Neymar បានប្រើពាក្យសម្តីវាយប្រហារទៅលើអាជ្ញាកណ្តាលតាមរយៈបណ្តាញសង្គមរបស់គេ ហើយ UEFA បានសម្រេចសិក្សា និងដាក់ពិន័យលើកំហុសរបស់គេតែម្តង។ គួរឱ្យដឹងបន្ថែមទៀតថា ការពិន័យរបស់ UEFA ខាងលើនេះមានន័យថា Neymar នឹងត្រូវអវត្តមានពីការប្រកួត Group Stage ៣ប្រកួត និងអាចបង្ហាញខ្លួនបានឡើងវិញនៅប្រកួតទី៤។
គួរបញ្ជាក់ថា អនាគតរបស់ Neymar ជាមួយ PSG កាន់តែមានភាពស្រពេចស្រពិលខ្លាំង បន្ទាប់ពីគេបានបង្ហាញចេតនាចង់ចាកចេញចំៗតែម្តង ស្របពេលពាក្យចចាមអារ៉ាមពីការវិលត្រឡប់ទៅ Barcelona ព្រមទាំងការចង់បានរបស់ Real Madrid កាន់តែក្តៅគគុក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]