ចិន៖ កាលពីល្ងាចថ្ងៃទី១៧ ខែមិថុនា ម្សិលមិញនេះ តារាចិនប្រុសស្រីល្បីៗ ស្រស់ស្អាតសង្ហាជាច្រើនដួង ត្រូវបានអញ្ជើញចូលរួមនៅក្នុងព្រឹត្តិការណ៍ដ៏ធំ «Tencent Picture» ដែលបានប្រារព្ធធ្វើឡើងនៅឯទីក្រុងប៉េកាំង ប្រទេសចិន។
ជាការពិតណាស់ ក្នុងអំឡុងពេលដើរលើកម្រាលព្រំក្រហម យើងសង្កេតឃើញថាមាន តារាចិនប្រុសស្រីជាច្រើន បានបង្អួតសម្រស់គ្នាជាមួយនឹងម៉ូតសម្លៀកបំពាក់ប្លែកថ្មី ក៏ដូចជាស្ទាយ៍តុបតែងខ្លួនទាក់ទាញរៀងៗខ្លួន។
ដោយឡែក មិនថាយ៉ាងណា ទស្សនិកជនក៏បានមានការចាប់អារម្មណ៍ជាពិសេសទៅលើសម្រស់របស់ តារាស្រីកំពុងមានប្រជាប្រិយភាព កញ្ញា Dilraba ផងដែរ ដោយសម្រស់ក៏ដូចជាការតុបតែងខ្លួនរបស់នាង ពិតជាមានការទាក់ទាញភ្នែកខ្លាំង ស្ទើរតែមហាជនគ្រប់គ្នាស្រឡាំងកាំងតែម្តង។
ជាក់ស្តែង កាលពីយប់មិញនេះ តារាសម្តែងស្រី Dilraba បានស្លៀកនូវរ៉ូបវែងមានដៃមួយចំហៀង ពណ៌ខ្មៅលាយស និងនៅផ្នែកខាងក្រោមនៅចំហៀងខាងស្តាំ ថែមទាំងមានឆែកយ៉ាងវែង ដែលធ្វើឲ្យឃើញនូវសាច់ភ្លៅយ៉ាងសខ្ចី គួរឲ្យទាក់ទាញថែមទៀតផងដែរ។
យ៉ាងណាមិញ ការបង្ហាញខ្លួនរបស់ Dilraba កាលពីយប់មិញនេះ ធ្វើឲ្យមហាជនមិនកោតសរសើរមិនបាន ចំពោះរូបសម្រស់ដ៏ល្អឥតខ្ចោះនៅខាងក្រៅរបស់នាង ដោយអាចនិយាយបានថា ស្រស់ស្អាតគ្មានទាស់ទោះមើលទៅចំហៀងខាងណា ក៏នៅតែស្រស់ស្អាតផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]