ខ្លាំងបាត់!! Chelsea បដិសេធសំណើ ៣៥លានផោន ពីក្លឹបធំពីរនៅអេស្ប៉ាញក្នុងការនាំយកកីឡាករម្នាក់នេះ

អង់គ្លេស៖ ក្លឹបបាល់ទាត់ដែលមានម្ចាស់ក្លឹបជាសេដ្ឋីជនជាតិរុស្ស៊ី Chelsea បានបដិសេធសំណើរបស់ក្លឹបយក្សពីរនៅអេស្ប៉ាញគឺ Barcelona និង Atletico Madrid ក្នុងការនាំយកខ្សែបម្រើស្លាបសញ្ជាតិប្រេស៊ីល Willian ពីទឹកដី Stamford Bridge ក្នុងទីផ្សារដោះដូរកីឡាករខាងមុខ។

កីឡាករពាក់អាវលេខ២២ នៅChelsea Willian នៅសល់កុងត្រាមួយឆ្នាំទៀតប៉ុណ្ណោះជាមួយក្លឹបមួយនេះ។ ទោះបីជាខ្លាច Willian ចាកចេញនារដូវក្ដៅខាងមុខ, Chelsea ក៏កំពុងតែព្រួយបារម្ភនឹងគេចាកចេញដោយគ្មានតម្លៃខ្លួននារដូវកាលក្រោយមួយទៀត។ ប៉ុន្តែ Chelsea នឹងមិនខាតបង់នោះទេ ប្រសិនបើអាចឈានដល់ការបន្តកុងត្រាជាមួយ Willian រយៈពេល ២ឆ្នាំទៀត។

យ៉ាងណាមិញ Willain ធ្លាប់ត្រូវបានក្លឹប Barcelona ទាក់ទងក្នុងការនាំទៅកាន់ទឹកដី Camp Nou បីម្ដងរួចមកហើយ តែសុទ្ធតែត្រូវបានបដិសេធពី Chelsea។ សំណើចុងក្រោយបង្អស់ដាក់មកកាន់ Chelsea ដើម្បីចរចាយក Willian គឺមានតម្លៃ ៥៥លានផោន។ 

បញ្ជាក់ផងដែរថា Willian ត្រូវបាន Chelsea ទិញពីក្លឹបរុស្ស៊ី Anzhi Makhackala ក្នុងតម្លៃខ្លួន ៣០លានផោន កាលពីឆ្នាំ ២០១៣។ គិតមកត្រឹមពេលនេះ Willian បង្ហាញខ្លួនឲ្យ Chelsea ចំនួន ២៩២ប្រកួត និងទាត់ចូលទីបាន ៥២គ្រាប់ ព្រមទាំងជួយឲ្យ Chelsea ឈ្នះពាន Premier League បានពីរដងផងដែរ៕

ប្រភព៖ Sky Sports