រាជធានីភ្នំពេញ ៖ រថយន្តម៉ាកឡិចស៊ីស RX300 មួយគ្រឿងអ្នកបើកបរស្រវឹងបានបោះពួយយ៉ាងលឿនជ្រុលទៅបុករនាំងដែកចែកផ្លូវពេញទំហឹង បណ្តាលឱ្យបាក់រាបដល់ដីអស់ចំនួន៧ផ្ទាំង ឯរថយន្តរងការខូចខាតអស់១កំណាត់មុខត្រូវប៉ូលិសការិយាល័យចរាចរផ្លូវគោករាជធានីភ្នំពេញ ស្ទូចយកទៅរក្សាទុកដើម្បីធ្វើការដោះស្រាយ។
ឧប្បត្តិហេតុគ្រោះថ្នាក់ចរាចរណ៍នោះបានកើតឡើងកាលពីវេលាម៉ោង៩និង៥០នាទីយប់ថ្ងៃទី២០ មីនា ២០១២ នៅលើកំណាត់វិថីសហព័ន្ធរុស្ស៊ីត្រង់ចំណុចមុខមហាវិទ្យាល័យសង្គមសាស្ត្រ និងមនុស្សសាស្ត្រនៃសាកលវិទ្យាល័យភូមិន្ទភ្នំពេញ ស្ថិតក្នុងភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។ រថយន្តដែលបើកបោះពួយជ្រុលទៅបុករនាំងដែកចែកផ្លូវនោះម៉ាកឡិចស៊ីស RX300 ពណ៌ស អ្នកបើកបរព្យាយាមលាក់ឈ្មោះមិនប្រាប់ឱ្យដឹងនោះឡើយ ។
តាមប្រភពព័ត៌មានពីសមត្ថកិច្ចបានឱ្យដឹងថា នៅមុនពេលកើតហេតុរថយន្តឡិចស៊ីសបើកពីកើតទៅលិច ។ លុះមកដល់ត្រង់ចំណុចកើតហេតុបានរេចង្កូតទៅបុករះរនាំងដែកចែកផ្លូវនោះប្រាវតែម្តង បណ្តាលឱ្យបាក់ខ្ទេចរាបដល់ដីអស់ចំនួន៧ផ្ទាំង និងធ្វើឱ្យរថយន្តក្រពឹតរួញ១កំណាត់មុខទាំងស្រុង ៕
Bopha
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]