ប្រឡែងជាមួយកូនសប្បាយពេក ជាប់នៅក្នុងទូរហិបដាក់អីវ៉ាន់ (មានវីឌីអូ)

អង់គ្លេស÷ ចាត់ទុកថាជាមេរៀនមួយសំរាប់ម្ដាយមួយរូបដែលកំពុងលេងជាមួយកូន ស្រាប់តែជាប់នៅក្នុងទូរហិបដាក់អីវ៉ាន់។ អ្នកស្រី Demi Lambe ដែលមានកូនពីរនាក់ បានជាប់នៅក្នុងទូរហិបដាក់អីវ៉ាន់ នៅកន្លែងហែលទឹក ក្នុងទីក្រុង Stockton on Tees កាលពីថ្មីៗនេះ។

ដំបូងនោះ អ្នកស្រី Demi Labe មានបំណងចង់ធ្វើអោយកូនរបស់គាត់សើច ស្រាប់តែភ្លាមនោះក៏ជាប់នៅក្នុងទូរហិបនោះយ៉ាងណែន រើមិនរួចទៅវិញ។ 

នៅពេលនោះមិត្តភិក្តរបស់គាត់ស្រាប់តែយកទូរស័ព្ទមកថតវីឌីអូ មិនជួយគាត់ទៅវិញ។ បន្ទាប់មកក៏មានបុគ្គលិកនៅទីនោះបានឃើញគាត់ក្នុងសភាពលំបាក ក៏ប្រញាប់ប្រញាល់ចូលមកជួយ។ អ្នកស្រីបាននិយាយថា ដំបូងគាត់លេងសប្បាយជាមួយកូន ហើយក៏គិតខ្លួនគាត់អាចចូលរួច ហើយក៏អាចចេញរួចដែរ បន្ទាប់មកគាត់ក៏ផ្អៀងខ្លួនចូលទៅក្នុងហិបនោះ រួចក៏បានជាប់នៅក្នុងនោះអស់រយៈពេល៣០នាទី។

គេបានជួយនាងចេញដោយយកសាប៊ូដុសខ្លួនចាក់លើខ្លួននាង ដើម្បីរអិលងាយស្រួលចេញមកក្រៅ។ បន្ទាប់ពីចេញរួចនាងមានរបួសឈាមត្រង់ចិញ្ចើម និងជាំជើងបន្ដិច។ អ្នកស្រីបាននិយាយទៀតថា «ខ្ញុំរកវិធីចេញមិនឃើញទេ ដោយសារខ្ញុំភ័យពេក ពិតជាអរគុណសាប៊ូដុសខ្លួនណាស់៕»

• វីដេអូ