អង់គ្លេស៖ Manchester United ហាក់បានត្រៀមខ្លួនសម្រាប់ការចាកចេញរបស់កីឡាករ Paul Pogba ថែមទាំងបានបង្វែរចំណាប់អារម្មណ៍មកលើកីឡាករល្អៗរបស់ Barcelona ២រូបនេះជំនួសវិញ។ គួរឱ្យដឹងថា Pogba ដែលជាកីឡាករថ្លៃបំផុតក្នុងកំណត់ត្រារបស់ Man UTD កំពុងស្ថិតក្នុងស្ថានភាពមិនច្បាស់លាស់អំពីអនាគតរបស់គេជាមួយក្លិប ក្រោយពេលដែលគេបានបង្ហើបថាចង់ចាកចេញ ដើម្បីស្វែងរកការប្រកួតប្រជែងថ្មីបន្ថែមទៀត។
ដោយឡែក បើតាម Mundo Deportivo បានឱ្យដឹងថា ក្លិបបិសាចក្រហម កំពុងសម្លឹងឃើញកីឡាករ Ivan Rakitic របស់ Barca ស្របពេលដែលក្លិបអេស្ប៉ាញមួយនេះ កំពុងបង្ហាញចេតនាចង់លក់កីឡាករសញ្ជាតិក្រូអាតនេះចោល។ យ៉ាងណាមិញ មិនត្រឹមតែ Rakitic ប៉ុណ្ណោះទេ កីឡាករ Coutinho ក៏កំពុងស្ថិតក្នុងរ៉ាដារបស់ Man UTD ដូចគ្នា ខណៈដែល Coutinho នឹងភ្នាក់ងាររបស់គេកំពុងមមាញឹកលើការចរចាជាមួយក្លិបនានា បន្ទាប់ពីរូបគេមិនសូវមានឱកាសបង្ហាញខ្លួននៅ Barcelona។
យ៉ាងណាក្តី នេះគ្រាន់តែជាការបញ្ជាក់ពីប្រភពនានា ប្រសិនបើក្នុងករណីដែល Pogba ចាកចេញប៉ុណ្ណោះ ខណៈពេលនេះក្លិបធំៗដូចជា Real Madrid និង Juventus ជាដើមក៏កំពុងស្ថិតក្នុងការពិចារណាដូចគ្នា ដោយសារតែកត្តាតម្លៃខ្លួនរបស់ Pogba ដែលដាក់ដោយ Man UTD៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
