IG របស់ Selena មាន Followers រាប់រយលាននាក់ តែនាងបែរនិយាយថា មិនដែល Downlaod កម្មវិធីនេះដាក់ទូរស័ព្ទខ្លួនឯងទេ

បរទេស៖ កាលពីថ្មីៗនេះ តារាចម្រៀងប៉ុបដ៏ល្បីលំដាប់ពិភពលោកនាង Selena Gomez បានចូលរួមក្នុងកម្មវិធីមួយមានឈ្មោះថា Live Kelly and Ryan។

ក្នុងនោះដែរ នាង Selena បានផ្តល់ការសម្ភាសន៍ និងសំណេះសំណាលយ៉ាងច្រើនទាក់ទងនឹងអាជីព ក៏ដូចជារឿងផ្ទាល់ខ្លួនរបស់នាងផងដែរ។

លើសពីនោះ អ្វីដែលគួរឲ្យភ្ញាក់ផ្អើលសម្រាប់កម្មវិធីនេះ នាង Selena ត្រូវបានពិធីករកម្មវីធីចោទជាសំនួរថា រូបនាងមានគណនី IG ដែលមានអ្នក Follow ជាង ១៥៣ លាននាក់ ដូច្នេះហើយ តើនាងដែលភ្ជាប់មានទំនាក់ទំនង ឬ ឆ្លើយតបអ្វីទៅអ្នក Follow ទេ? ព្រោះថាពិធីករទាំងពីរ ពួកគេមានត្រឹម Follower តែជាង ៤សែនប៉ុណ្ណោះ ប៉ុន្តែពួកគេឈឺក្បាលស្ទើរតែរាល់ថ្ងៃទៅហើយជាមួយកម្មវិធីនេះ។

មិនបង្អង់យូរ Selena ឆ្លើយតបទៅវិញភ្លាមៗថា៖ “កាលមុនខ្ញុំធ្លាប់ធ្វើបែបនេះច្រើនជាមួយអ្នកគាំទ្រ ប៉ុន្តែក្រោយមកខ្ញុំគិតថា ការធ្វើបែបនេះពិតជាមិនល្អសម្រាប់សុខភាពនោះទេ ព្រោះការដែលចំណាយពេលច្រើន ឬងប់ងល់ក្នុងការមើល Comments និងប្រើប្រាស់កម្មវិធីនេះយូរពេក វាពិតជាប៉ះពាល់ដល់ខ្ញុំ វាធ្វើឲ្យខ្ញុំចង់មានជំងឺបាក់ទឹកចិត្ត និងមានអារម្មណ៍មិនល្អចំពោះខ្លួនឯង ពេលឃើញ Comment មិនល្អ។ ដូច្នេះហើយខ្ញុំមិនបាន Download កម្មវិធីនេះ ដាក់ក្នុងទូរស័ព្ទខ្ញុំទេ ហើយខ្ញុំដាក់វានៅទូរស័ព្ទរបស់អ្នកផ្សេង ហើយពេលដែលខ្ញុំមានអារម្មណ៍ថា ចង់ចែករំលែកអ្វីជាមួយអ្នកគាំទ្ររបស់ខ្ញុំ ឬក៏ចង់ឆែកអ្វីមួយ គ្រាន់តែខ្ចីគេមកគឺរួចរាល់”។

ទោះជាយ៉ាងណាក្តី ទាំងនេះពិតជាធ្វើឲ្យអ្នកគាំទ្រភ្ញាក់ផ្អើលខ្លាំងមែនទែន ក្រោយពី​លឺនាងនិយាយបែបនេះ ព្រោះមិននឹកស្មានថា IG របស់នាង មានអ្នក Follow រាប់រយលាន ក៏ប៉ុន្តែបែរជានាងមិន Download វាដាក់ទូរស័ព្ទផ្ទាល់ខ្លួនទៅវិញ៕

តើប្រិយមិត្តយល់យ៉ាងណាដែរ?

ចង់ជ្រាបច្បាស់ទស្សនាវីដេអូខាងក្រោម៖

• វីដេអូ
• តារាអន្តរជាតិ