ប្តីរវល់ថតនៅក្រៅប្រទេស ហេតុតែនឹកពេក Ruby សុទ្ធចិត្តនាំកូនស្រីហោះទៅលេងប្តីដល់ម៉ាឡេស៊ី!

តៃវ៉ាន់៖ តារាសម្តែងស្រីចាស់វស្សាល្បីឈ្មោះ Ruby Lin ដែលមហាជនតែងហៅថា ចៀរវ៉ៃ ថ្មីៗនេះនាងជាមួយនឹងកូនស្រីសំណព្វចិត្តតែមួយគត់របស់នាង បានលេចមុខនៅក្នុងព័ត៌មានជាច្រើន ដោយមូលហេតុគឺគ្មានអ្វីក្រៅពីរឿងផ្ទៃក្នុងនៅក្នុងគ្រួសារយ៉ាងគួរឲ្យស្រលាញ់របស់នាងនោះទេ។

ជាការពិតណាស់ ថ្មីៗនេះ គេបានប្រទះឃើញតារាសម្តែងស្រីវ័យ ៤៣ឆ្នាំរូបនេះ បានដឹកដៃកូនស្រីសំណព្វចិត្ត ហោះឆ្ពោះទៅកាន់ប្រទេសម៉ាឡេស៊ី ដើម្បីទៅលេងស្វាមីជាទីស្រលាញ់ ដែលស្គាល់ថាជាតារាសម្តែងប្រុសល្បីឈ្មោះ Wallace Huo ដល់កន្លែងថតផ្ទាល់តែម្តង។

តួយ៉ាង បើទោះបីជាក្រុមអ្នកប្រមាញ់រូបថតតារា បានផ្តិតយករូបភាពរបស់គ្រួសារតារាល្បីមួយមួយនេះ ព្រិលមិនសូវជាច្បាស់ដោយសារតែថតពីចម្ងាយយ៉ាងណាក្តី ប៉ុន្តែក៏ត្រូវបានគេរាយការណ៍មកថា Ruby និងស្វាមី បាននាំកូនស្រីរបស់ពួកគេ ទៅញុំាអាហារនៅភោជនីយ៍ដ្ឋានមួយកន្លែង និងបានចំណាយពេលជជែកគ្នាលេង យ៉ាងមានសេចក្តីសុខជំនួសការនឹករឮកដែលខានជួបគ្នារយៈពេលជាយូរថ្ងៃផងដែរ៕

• គ្រួសារ
• ស្នេហា
• តារាចិន