ធ្លាប់តែដឹងថា ញ៉ាំបន្លែ និងផ្លែឈើស្រស់ៗថ្មីៗ នឹងផ្តល់វីតាមីន សារធាតុចិញ្ចឹមល្អៗដល់រាងកាយ ប៉ុន្តែពេលនេះ ស្រាប់តែអ្នកជំនាញអះអាងថា ការញ៉ាំបន្លែផ្លែឈើក្លាសេទុក ល្អជាងបន្លែផ្លែឈើស្រស់ទៅវិញ។ រឿងនេះជាការពិតអត់?
តាមការបញ្ជាក់ពីលោក Mario G. Ferruzzi សាស្រ្តាចារ្យមកពីសាកលវិទ្យាល័យរដ្ឋ North Carolina សហរដ្ឋអាមេរិក ថា បន្លែស្រស់ភាគច្រើននឹងត្រូវបាត់បង់សារធាតុចិញ្ចឹម បើធៀបនឹងបន្លែដែលបានក្លាសេទុក។
លោកបញ្ជាក់ថា បន្លែស្រស់នឹងត្រូវរងឥទ្ធិពលដោយប្រតិកម្មជាមួយខ្យល់ (អុកស៊ីហ្សែន) ច្រើន ជាហេតុនាំឲ្យសារធាតុចិញ្ចឹមថយចុះ។
ក្រុមអ្នកស្រាវជ្រាវបានឲ្យដឹងថា ជាធម្មតា បន្លែផ្លែឈើយកទៅដាក់ក្លាសេលក់ គេច្រើនរើសយកបន្លែផ្លែឈើល្អៗ បូកផ្សំនឹងការរក្សាទុកដោយក្លាសេក្នុងទូទឹកក សារធាតុចិញ្ចឹម និងរ៉ែខនិជនៅជាប់បន្លែទាំងនោះ ច្រើនមិនបាត់បង់ បើប្រៀបនឹងបន្លែ ដឹកយកទៅលក់ស្រស់ៗ ត្រូវរងកម្តៅ និងខ្យល់រយៈពេលយូរ នាំឲ្យសារធាតុចិញ្ចឹមត្រូវបាត់បង់តាមនោះផងដែរ។
អ្នកវិទ្យាសាស្រ្តបានសម្គាល់ឃើញទៀតថា បន្លែស្រស់ដាក់ក្លាសេភ្លាមៗ ហើយប្រៀបនឹងបន្លែស្រស់មិនបានក្លាសេ យកទៅចម្អិនដូចគ្នា ឃើញថា បាត់បង់ជាតិវីតាមីន C ប្រមាណ ៥០% ស្មើគ្នា តែបន្លែបានក្លាសេនៅសល់សារធាតុចិញ្ចឹមច្រើនជាង។
ដោយឡែក លោកស្រីវេជ្ជបណ្ឌិត Mary Ann Lila ប្រធានផ្នែករុក្ខវិទ្យានៃវិទ្យាស្ថានសុខភាពមនុស្សរបស់សាកលវិទ្យាល័យរដ្ឋ North Carolina ក៏បានលើកឡើងស្របទៅនឹងលោកវេជ្ជបណ្ឌិតខាងលើ ដោយអះអាង ការដាក់ក្លាសេ ពិតជាជួយរក្សាសមាសធាតុចិញ្ចឹមបានល្អ ដល់បន្លែផ្លែឈើ ជាងផ្លែឈើ និងបន្លែដាក់លក់ស្រស់ៗ។
តែយ៉ាងណាមិញ អ្នកជំនាញទាំងនោះបញ្ជាក់ច្បាស់ថា សារធាតុចិញ្ចឹមទាំងអស់ក្នុងបន្លែផ្លែឈើ មានកាលកំណត់ ពោលអាចរក្សាត្រឹមតែ ១ ថ្ងៃ ហើយយកទៅចម្អិន ឬបរិភោគ ពិតជាមានប្រយោជន៍ច្រើន។ ផ្ទុយទៅវិញ បើក្លាសេលើស ១ ថ្ងៃ រហូតដល់ ៥-៦ ថ្ងៃ ឬមួយសប្តាហ៍ គុណប្រយោជន៍នឹងធ្លាក់ចុះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
