រាងចាលហើយ! Cardi B លែងហ៊ានកែសម្ផស្សទៀត ក្រោយជួបរឿងបែបនេះ

បរទេស៖ ការកែសម្ផស្សបានក្លាយទៅជារឿងធម្មតាទៅហើយ សម្រាប់សង្គមមនុស្សបច្ចុប្បន្ន។ ដើម្បីទទួលបានភាពស្រស់ស្អាត និងបន្ថែមនូវទំនុកចិត្ត ពួកគេសុខចិត្តចំណាយប្រាក់មួយចំនួន ទៅប្តូរជាមួយរូបសម្រស់ដែលចង់បាន។

ជាក់ស្តែង ការកែសម្ផស្សរមែង តែងតែនាំមកវិញនូវគុណវិបតិ្ត បន្តិចបន្តួចជារឿងដែលចៀសមិនផុត។ ទៀតសោត ដូចតារាចម្រៀងរ៉េបល្បីឈ្មោះ Cardi Bជាដើម នាងមានអាការៈមិនប្រក្រតីក្រោយពីនាងកែសម្ផស្សលើកចុងក្រោយនេះ។ រហូតធ្វើឲ្យតារាស្រីរូបនេះ ប្រកាសថាខ្លួនប្តេជ្ញាឈប់ធ្វើការកែសម្ផស្សទៀតហើយ។

ប៉ុន្តែអ្នកគាំទ្រមិនចាំបាច់ព្រួយបារម្ភទេ ព្រោះCardi Bមិនបានទទួលរងការឈឺចាប់ខ្លាំងនោះទេ ព្រោះនេះ គ្រាន់តែជាអាការៈដែលកើតឡើងក្រោយពី នាងកែដើមទ្រូង និងបូមខ្លាញ់តែប៉ុណ្ណោះ។

ដោយកាលពីថ្ងៃទី១១ ខែមិថុនានេះ Cardi B បានផុសរៀបរាប់ថា «មើលទៅឃើញទេថាជើងខ្ញុំហើមប៉ុណ្ណា នេះហើយជាមូលហេតុដែលគ្រូពេទ្យប្រាប់ឲ្យខ្ញុំសម្រាកពីកម្មវិធីConcertមួយរយៈ។ ហើយពោះរបស់ខ្ញុំក៏ហើម ទាំងជើងទាំងពោះរបស់ខ្ញុំក្តៅពេញទាំងអស់»។ ក្រៅពីនេះនាងបានផុសបន្ថែមទៀតថា ខ្លួនលែងចង់ធ្វើការកែសម្ផស្សទៀតហើយ។

ទោះបីជាយ៉ាងណាក៏ដោយ អ្នកគាំទ្រនៅតែមានការបារម្ភព្រោះ Cardi B មិនព្រមឈប់សម្រាកដើម្បីថែរក្សាសុខភាពឲ្យបានល្អសិននោះទេ ដោយនាងនៅតែបន្តការច្រៀងដដែល ទោះបីជាគ្រូពេទ្យហាមក៏ដោយ៕

• តារាអន្តរជាតិ