ឆ្លងថ្ងៃកំណើតរួមគ្នាលើកដំបូង Porshe ជូនពរគូស្នេហ៍យ៉ាងផ្អែមល្ហែម!

ថៃ៖ ចាប់តាំងពីប្រកាសជាសាធារណៈថាទាក់ទងគ្នាមក តារាសម្តែងប្រុស Porshe និងតារាសម្តែងស្រីPimtdao បានបង្ហាញភាពផ្អែមល្ហែមជាមួយគ្នា ជាញឹកញាប់ដោយមិនក្រែងចិត្តអ្នកអត់គូសោះឡើយ ព្រោះជាធម្មតាពួកគេទាំងពីរ តែងតែទៅណាមកណាជាមួយគ្នាជានិច្ច។

ទៀតសោតនៅថ្ងៃទី១៤ ខែមិថុនានេះ ត្រូវជាថ្ងៃកំណើតរបស់ Pimtdao។ នៅក្នុងនោះផងដែរ Porsheដែលជាគូស្នេហ៍ក៏មិនបណ្តោយ ឲ្យថ្ងៃដ៏ពិសេសកន្លងផុតទៅដោយឥតន័យដែរ ព្រោះនេះជាឆ្នាំដំបូងដែលពួកគេឆ្លងថ្ងៃកំណើតរួមគ្នា ដូច្នោះលោកបានរៀបចំពិធីកំណើតយ៉ាងរ៉ូមែនទិកមួយឲ្យនាង និងមានការចូលរួមពីមិត្តភក្តិជិតស្និទ្ធក្រោមបរិយាកាសដ៏សែនរីករាយ។ 

ដោយឡែកPorshe បានផុសរូបជាមួយPimtdao នៅគណនីអ៊ីនស្តារក្រាម ដោយភ្ជាប់ជាមួយពាក្យជូនពរយ៉ាងផ្អែមល្ហែមថា «HBDណា៎ សូមឲ្យមានក្តីសុខច្រើនៗ ហើយនឹងនៅក្បែរគ្នាបែបនេះរហូតទៅ (បើស្លូតជាងនេះបន្តិចទៀត គួរឲ្យស្រលាញ់ខ្លាំងហ្មង​) ស្រលាញ់ណាស់មនុស្សល្អរបស់ខ្ញុំ»។

ក្រោយមកមានមិត្តរួមសិល្បៈ និងអ្នកគាំទ្រជាច្រើនបាននាំគ្នាចូលទៅComment នៅក្នុងរូបនោះ ហើយមានអ្នកខ្លះបង្អាប់ពួកគេទាំងពីរថែមទៀតផង៕ 

សូមទស្សនារូបភាពខាងក្រោម៖ 

• តារាថៃ