កូរ៉េខាងត្បូង៖ កាលពីថ្មីៗនេះ តារាស្រីកំពុងមានប្រជាប្រិយភាព Sulli បានធ្វើដំណើរទៅកាន់ប្រទេសអ៊ីតាលី ដើម្បីចូលរួមនៅក្នុងកម្មវិធី «#TheNightIsYours» របស់ប៊្រេនល្បីឈ្មោះមួយ។
តួយ៉ាង ខណៈពេលចូលរួមក្នុងកម្មវិធីនេះផងដែរ គេសង្កេតឃើញថា Sulli បានបង្ហាញខ្លួនជាមួយនឹងសម្រស់ដ៏ស្អាតទាក់ទាញ ជាមួយនឹងរ៉ូបពណ៌ខ្មៅខ្លីវាលក បញ្ចេញសាច់សខ្ចី អ្វីដែលគួរឲ្យចាប់អារម្មណ៍ជាងនេះទៅទៀតនោះ គឺSulli ថែមទាំងបានប្តូរពណ៌សក់ផងដែរ មកជាពណ៌ដងទង់ លើកបួងឡើងទាំងអស់ បង្ហាញឲ្យឃើញពីទម្រង់មុខដ៏ច្រឡឹងគួរឲ្យស្រលាញ់របស់នាង និងធ្វើឲ្យអ្នកគាំទ្រអន្តរជាតិដែលនៅទីនោះផ្ទាល់ មិនអាចដកក្រសែភ្នែកចេញពីនាងផងដែរ។
ដោយឡែក ទោះបីជាយ៉ាងណា អាចនិយាយបានថា បច្ចុប្បន្ននេះ រាល់សកម្មភាពនិងជីវិតផ្ទាល់ខ្លួនរបស់ Sulli តែងតែស្ថិតនៅក្រោមចំណីមាត់របស់ទស្សនិកជនជានិច្ច មិនថារាល់សកម្មភាពដែលនាងធ្វើ រាល់រូបថតដែលនាងបង្ហោះ គឺសុទ្ធសឹងតែត្រូវមហាជន យកមកជជែកពេញបណ្តាញសង្គម រហូតឈានដល់ការរិះគន់នាងថែមទៀតផង។
ជាក់ស្តែង ក៏ដូចជាការចូលរួមនៅក្នុងកម្មវិធី «#TheNightIsYours» លើកនេះ បើទោះបីជា ការតែងខ្លួនរបស់ Sulli ទទួលបានការកើតសរសើរពីសំណាក់អ្នកគាំទ្រអន្តរជាតិយ៉ាងណាក្តី ប៉ុន្តែអ្នកនិយមលេងអ៊ីនធើណែតកូរ៉េបែរជាមិនពេញចិត្ត និងនៅតែព្យាយាមចាប់កំហុសរបស់តារាស្រីវ័យ ២៥ឆ្នាំ រូបនេះឲ្យទល់តែបាន។ ដោយក្នុងនោះ ពួកគេបាននិយាយថា សក់ពណ៌ទង់ដែងនេះមិនសាកសមជាមួយ Sulli សោះតែម្តង រីឯអ្នកខ្លះទៀត ក៏បានថានាងលាបសក់ដូចពោតថែមទៀតផងដែរ។
ប៉ុន្តែទោះជាយ៉ាងណាក៏ដោយ Sulli ទទួលបានការចាប់អារម្មណ៍ខ្លាំង ពីសំណាក់អ្នកគាំទ្របរទេស លើសពីនេះសម្រស់របស់នាង ក៏បានទាក់ទាញភ្នែកអ្នកជំនួញជាច្រើន ជាពិសេសនាងថែមទាំងបានបង្ហាញភាពជិតស្និទ្ធ រវាងនាងជាមួយនឹង អ្នកជំនួញដ៏មានឥទ្ធិពលម្នាក់ក្នុងនៅក្នុងពិភពគ្រឿងសម្អាងទូទាំងពិភពលោក គឺលោក Stephane de La Faverie ថែមទៀតផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]