បាយ័នហេរីធេច ប្រកាសនាំចេញជីធម្មជាតិជប៉ុនសញ្ញាផែនដីទៅទីផ្សារអន្តរជាតិជាផ្លូវការ

ភ្នំពេញ៖ ក្រុមហ៊ុនជីធម្មជាតិជប៉ុនសញ្ញាផែនដី ដែលបានបង្កើតឡើងក្នុងឆ្នាំ២០០៧ ដោយដំបូងឡើងជាក្រុមហ៊ុននាំចូល ជីធម្មជាតិពីប្រទេសជប៉ុន ក្នុងទិសដៅជួយប្រជាកសិករខ្មែរយើងឲ្យបានប្រើប្រាស់ ជីដែលមានគុណភាពល្អដើម្បីស្តារ និង កែលម្អដីដែលខូចរិចរិល ដោយសារការប្រើប្រាស់ជីផ្សេងៗមិនបានសមស្រប ឲ្យក្លាយជាដីមានជីជាតិស្ថិតស្ថេរឡើងវិញ ធានាសុវត្តិភាពបរិស្ថាន និងសុខភាពរបស់ពួកគាត់ ទទឹមនឹងនេះក្រុមហ៊ុនជីធម្មជាតិជប៉ុនសញ្ញាផែនដីយើង បានសិក្សាស្រាវជ្រាវនៅបច្ចេកទេសថ្មីតាមលក្ខណៈធម្មជាតិ ដើម្បីប្រើប្រាស់ឲ្យបានសមស្របទៅនឹងតំបន់ត្រូពិច ។ បន្ទាប់ពីមានការគាំទ្រ យ៉ាងច្រើនពីកសិករកម្ពុជា ក្រុមហ៊ុននេះក៏បានងាកមកផលិតជីនៅក្នុងស្រុក ដើម្បីផ្គត់ផ្គង់ ហើយក៏បានឈានដល់ការនាំចេញទៅកាន់ប្រទេសភូមាជាផ្លូវការផងដែរ ។ នេះជាមោទនភាពនិងភាពរីកចម្រើនមួយរបស់ក្រុមហ៊ុន ក្នុងការផ្គត់ផ្គង់ជី កសិកម្មធម្មជាតិ ដល់កសិករ ។  

បើតាមលោកចាន់ វណ្ណៈ អគ្គនាយកក្រុមហ៊ុនបាយ័នហេរីធេច បានឲ្យដឹងថា៖ 

“បើទោះជាមានការគាំទ្រខ្លាំងពីសំណាក់អ្នកប្រើប្រាស់ ចំពោះផលិតផលរបស់យើងដែលកំពុងមានដាក់លក់ក្នុងទីផ្សារយ៉ាងណាក្តី ក៏ក្រុមហ៊ុនបាយ័ន នៅតែរក្សារផែនការពង្រឹងការអភិវត្តន៍ផ្នែកបច្ចេកទេស ដោយបានសហការជាមួយដៃគូរដើម្បី ស្រាវជ្រាវនូវរូបមន្តថ្មីៗ តួរយ៉ាងដូចជា ជីធម្មជាតិជប៉ុនសញ្ញាផែនដីពិសេស ហើយថ្មីៗនេះក៍បានចាប់ផ្តើមចែកចាយលើទីផ្សាររួចហើយដែរ ។ ចំពោះរូបមន្តថ្មីនេះកាន់តែប្រសើរជាងមុន ព្រោះជីថ្មីនេះជួយឲ្យប្រជាកសិករអាចដំាដុះដំណាំដដែលៗលើដីដដែលៗ ដោយមិនប៉ះពាល់ដល់គុណភាពដី ថែមទាំងជួយបង្កើនទិន្នផលកាន់តែខ្ពស់ កាត់បន្ថយជម្ងឺ និងសត្វល្អិត ជាពិសេសបច្ចេកទេសថ្មីនេះសមស្របលើការដំាដុះដំណាំរយៈពេលយូរ ដូចជាកៅស៊ូ ឈើហូបផ្លែ (ធូរេន សាវម៉ាវ ស្វាយចន្ទី អំពៅ-ល- នឹងជួយឲ្យដំណាំមានសុខភាពល្អ ហើយទទួលបានទិន្នផលខ្ពស់”។

លោកបន្តថា៖  

“ខណៈបាននាំចេញជាផ្លូវការរួចហើយទៅកាន់ទីផ្សារប្រទេសភូមា ក្រុមហ៊ុនក៏នឹងមានគម្រោងនាំចេញជីកសិកម្មធម្មជាតិនេះទៅកាន់ទីផ្សារប្រទេសកសិកម្មជាច្រើនទៀត ដូចជាប្រទេស ឡាវ វៀតណាម ថៃ ម៉ាឡេស៊ី ហ្វីលីពីន និងប្រទេសជប៉ុនជាដើម ។ ពេលនេះក្រុមហ៊ុនបានផលិតជីធម្មជាតិជប៉ុន សញ្ញាផែនដីនេះក្នុងមួយថ្ងៃប្រមាណ៣០០តោន និងកំពុងពង្រីកបន្ថែមទៀត ដើម្បីបម្រើឲ្យការនាំចេញផង និងសម្រាប់ផ្គត់ផ្គង់ក្នុងស្រុកផង”។

លោក ម៉ូវ សេង ប្រធានគ្រប់គ្រងបច្ចេកទេស ក៏បានឲ្យដឹងផងដែរថា៖ 

“ដើម្បីឆ្លើយតបទៅនឹងស្ថានភាពជាក់ស្តែងនាពេលបច្ចុប្បន្នរបស់បងប្អូនប្រជាកសិករ ដែលជួបបញ្ហាជាច្រើនក្នុងពេលបង្កបង្កើនផល រួមមានដូចជា ដីខ្សោះជីជាតិ រឹងក្ដាំង ដំណាំលូតលាស់មិនល្អ , ដំណាំ កើតផ្សិតលើដើម ស្លឹក និងត្រួយ , ប្រេះផ្លែ ចំណែកស្វាយចន្ទីដាក់គ្រាប់អត់ពេញសាច់ , ដំបៅលើមែក ដើម រលួយឬស និងងាប់ត្រួយ”។

ចំពោះបញ្ហាដែលកើតមានលើដំណាំនេះ ជីធម្មជាតិជប៉ុនសញ្ញាផែនដី អាចជួយបាន ឧទាហណ៍ដូចជា ដំណាំធុរេន ស្វាយចន្ទី មានបញ្ហាជំងឺ ដំបៅមែក ដើម រលួយឬស ផ្លែ ,ជ្រុះស្លឹក ងាប់ត្រួយ, ជំងឺផ្កាឈូក ធ្វើឲ្យសំបកដើមខូច ។ ដំណាំកៅស៊ូ ច្រើនជួបបញ្ហា កើតផ្សិតលើស្លឹក,ស្ងួតមុខចៀរ, ជំងឺផ្កាកុលាប ដំណាំក្រូចពោធិ៍សាត់ ច្រើនជួបបញ្ហា ស្លឹកប្រាក់,ផ្លែស្កក,រលូយសំបក,ខ្លោចត្រួយ ដំណាំដូង ច្រើជួបបញ្ហា ប្រេះដើម និងផ្លែ,រលួយបណ្ដូល ចំពោះសាវម៉ាវ មិនសូវជាមានបញ្ហាចោទទេ តែអ្វីដែលមារម្មណ៍ គឺមានផ្សិតលើផ្លែ ដំណាំអំពៅ ច្រើនជួបបញ្ហា រលួយបណ្ដូល,ប្រេះដើម,រលាកស្រទបស្លឹក ។ 

គួរបញ្ជាក់ថា បច្ចុប្បន្ននេះ រោងចក្រផលិតជីធម្មជាតិជប៉ុន សញ្ញាផែនដី បាននិងកំពុងដំណើរការ នៅស្រុកឧដុង្គខេត្តកំពង់ស្ពឺ នៅតាមបណ្ដោយផ្លូវជាតិលេខ៥១ ហើយជាមោទនភាពមួយផងដែរ សម្រាប់ក្រុមហ៊ុនកម្ពុជា ដែលអាចផលិតជីឈានដល់ការនាំចេញទៅកាន់ទីផ្សារបរទេស និងមានការទទួលស្គាល់គុណភាពជាផ្លូវការផងដែរ៕