ថៃ៖ ដូចដែលប្រិយមិត្តបានជ្រាបហើយថា កាលពីថ្មីៗនេះ តារាចម្រៀងស្រី កញ្ញា Numtarn ត្រូវបានគេបញ្ជូនទៅសង្គ្រោះ នៅឯមន្ទីរពេទ្យភ្លាមៗ បន្ទាប់ពីរូបនាង បានដួលសន្លប់ ហើយសូម្បីតែផ្លូវដង្ហើមរបស់នាង ក៏ឈប់ដើរថែមទៀតផង។
យ៉ាងណាមិញ នៅទីបំផុតអ្វីដែលគួរឲ្យសោកស្ដាយនោះ គឺថាតារាចម្រៀងស្រីវ័យ២៨ឆ្នាំ កញ្ញា Numtarn ក៏បានលាចាកលោកនេះទៅ កាលពីយប់ទៀបភ្លឺចូលថ្ងៃទី១៤ ខែមិថុនា ឆ្នាំ២០១៩នេះ ដោយមានការហូរឈាមចេញពីមាត់ និងច្រមុះធ្ងន់ធ្ងរ មិនអាចធ្វើការជួយសង្គ្រោះបាននោះឡើយ។
យោងតាមរយៈការផ្ដល់បទសម្ភាសន៍នាព្រឹកនេះ លោកវេជ្ជបណ្ឌិត ដែលទទួលខុសត្រូវក្នុងការជួយសង្គ្រោះជីវិត តារាស្រី កញ្ញា Numtarn បានបញ្ជាក់ផងដែរថា ក្រៅពីមានការហូរឈាមចេញពីមាត់ និងច្រមុះ តារាស្រីរូបនេះ ក៏ត្រូវបានធ្វើ X-ray ឫក៏ហៅថា CT Scan រកឃើញថាមានបញ្ហាសួតកម្រិតធ្ងន់ធ្ងរ និងជាពិសេសផ្នែកខួរក្បាលក៏មានការកកឈាម ពីការដួលសន្លប់មុនពេលកើតមានរឿងផងដែរ។រីឯចំណុចសំខាន់ដែលមានសភាពធ្ងន់ធ្ងរ រហូតធ្វើប៉ះពាល់ដល់អាយុជីវិតនេះ គឺបណ្ដាលមកបញ្ហាបេះដូងរីកធំ ខុសពីធម្មតា ដោយជំងឺមួយនេះ វាកម្រកើតមានឡើង នៅក្នុងវ័យដូចនឹងតារាស្រីរូបនេះណាស់។
ជាមួយនឹងដំណឹងដ៏សោកសៅនេះ ក៏មានមិត្តសិល្បៈ និងបណ្ដាអ្នកគាំទ្រជាច្រើន បាននាំគ្នាសម្ដែងការសោកស្ដាយជាខ្លាំង ចំពោះការបាត់បង់សិល្បករ ក៏ដូចជាអាយដលក្នុងចិត្ត ដែលពោរពេញទៅដោយសមត្ថភាពមួយរូប យ៉ាងឆាប់រហ័សសឹងមិនគួរឲ្យជឿនោះឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]