ខេត្តបាត់ដំបង ៖ ដោយសាររោគប្រចណ្ឌគ្មានហេតុផល បុរសម្នាក់បានស្ទុះទៅប្រពន្ធទាំងកំរោល រួចអា.កសម្លាប់ខ្លួន កាលពីវេលាម៉ោង៥ និង៤០នាទីល្ងាច ថ្ងៃទី១៣ មិថុនា នៅចំណុចភូមិច្រាបក្រសាំង សង្កាត់វត្តគរ ក្រុងបាត់ដំបង។នេះបើតាមសេចក្ដីរាយការណ៍របស់សមត្ថកិច្ចដែលចុះទៅកាន់ កន្លែង កើតហេតុ។
លោកឧត្តមសេនីយត្រី ជេត វណ្ណនី ស្នងការរងខេត្តដែលចុះពិនិត្យកន្លែងកើតហេតុ បានឲ្យដឹងថា ជនដែលធ្វើអត្តឃាតនោះឈ្មោះ រ៉ាត់ ចិត្រា ភេទប្រុស អាយុ២៨ឆ្នាំ រីឯប្រពន្ធដែលរងរបួស ឈ្មោះ សុខ លីន អាយុ២៧ឆ្នាំ រស់នៅនៅភូមិ, ឃុំកើតហេតុខាងលើ។
លោកស្នងការរងបានប្រាប់ថា បើតាមព័ត៌មានបឋមដែលមន្ត្រីជំនាញទទួលបាន ករណីអត្តឃាតនេះគឺផ្ដើមចេញពីអំពើហិង្សា ដោយសាររឿងប្រចណ្ឌប្រពន្ធ។ ជុំវិញករណីនេះ បើតាមក្រុមគ្រួសារបានប្រាប់សមត្ថកិច្ចថា ប្ដីប្រពន្ធទើបនាំគ្នាមកពីប្រទេសថៃ ហើយត្រៀមត្រឡប់ទៅធ្វើការនៅថៃវិញនាថ្ងៃទី១៤ មិថុនានេះ ស្រាប់តែមានរឿងនេះកើតឡើងតែម្ដង។
ប្រភពដដែល បានបញ្ជាក់ថា មុនពេលកើតហេតុប្ដីប្រពន្ធឈ្លោះ គ្នាមិនឈប់នៅផ្ទះជីដូន ដោយសារប្ដីប្រចណ្ឌប្រពន្ធ ហើយពេលនោះស្រាប់តែប្ដីស្ទុះទៅទាញកាំបិត កាប់ប្រពន្ធរបួសដេកដួលនៅនឹងកន្លែង។
ឃើញបែបនេះទំនងស្មានថា ប្រពន្ធស្លាប់ស្រាប់តែជននេះ រត់ទៅផ្ទះឪពុក ដែលនៅក្បែរនោះហើយទាញកូនកាំបិតអា.កសម្លាប់ខ្លួនឯងតែម្ដង។ លោក ជេត វណ្ណនី បានប្រាប់ថា ពេលនេះមន្ត្រីជំនាញកំពុងពិនិត្យកន្លែងកើតហេតុ ខណៈស្ត្រីជាប្រពន្ធដែលរបួសធ្ងន់ កំពុងសង្គ្រោះនៅមន្ទីរពេទ្យ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
