យើងតែឮការល្បីៗតគ្នាជាយូរមកហើយថា ការញ៉ាំបន្លែត្រប់ ទំពាំង ធ្វើឲ្យកើតរោគស្ត្រី ឬរើរោគស្ត្រីកាន់តែខ្លាំង។ តើបន្លែទាំង ២ មុខ នេះជាដើមហេតុធ្វើឲ្យកើតរោគស្ត្រី ដូចជាធ្លាក់ស រមាស់ទ្វារមាស កើតរោគផ្សិត មែនទេ?
បើនិយាយពីរោគស្ត្រីមានច្រើនមុខណាស់ ឯមូលហេតុដែលបណ្តាលឲ្យកើតរោគទាំងនេះពុំមានការសិក្សាស្រាវជ្រាវបែបវិទ្យាសាស្ត្រណាមួយបញ្ជាក់ថា ការញ៉ាំត្រប់ ឬទំពាំង ធ្វើឲ្យស្រីៗធ្លាក់ស ឬរលាកមាត់ស្បូននោះទេ។ នេះបើតាមការបញ្ជាក់របស់លោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត្រ។ លោកថា៖
«ញ៉ាំបន្លែទំពាំងធ្វើឲ្យធ្លាក់ ស មិនមែនទេ ជាទូទៅស្ត្រីខ្លះគាត់អាលែកហ្ស៊ីនឹងចំណីអាហារទាំងអស់ហ្នឹង កាលណាតែគាត់អាលែកហ្ស៊ី មិនថាតែទំពាំង ឬត្រប់នោះទេ សូម្បីតែប៉ះខ្យល់អាកាសមិនល្អហ្នឹងក៏រមាស់ដែរ។ អ៊ីចឹងទៅតាមលក្ខណៈស្ត្រីម្នាក់ៗ មិនមែនចំណីអាហារទេ ជួនកាលអាលែកហ្ស៊ីទៅ គាត់រមាស់ស្បែក យូរៗទៅទ្វារមាសក៏រមាស់ ធ្វើឲ្យធ្លាក់សដូចគ្នា»។
ចំពោះមូលហេតុពិតប្រាកដដែលជម្រុញឲ្យមានធ្លាក់ ស រមាស់ទ្វារមាស មានកើតរោគផ្សិតអីជាដើមនោះ វេជ្ជបណ្ឌិតឯកទេសរោគស្ត្រីដដែលនេះអះអាងថា មកពីការធ្វើអនាម័យខ្លួនប្រាណ ឬទ្វារមាសមិនបានល្អ និងទៀងទាត់ពេលវេលា ការស្លៀកពាក់ខោរឹបៗពេក ការប៉ះទង្គិចត្រង់ប្រដាប់ភេទនាំឲ្យមានរបួស ការដាក់របស់ប្លែកចូលក្នុងប្រដាប់ភេទ (កងស្បូន) ប្រើថ្នាំបំបាត់ក្លិនលើទ្វារមាស ឬក៏ការចម្លងជំងឺពីដៃគូ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]