អ្នកណាហ្វេនគាត់ខ្លះ? បាត់មុខយូរ Vj Danny កាន់ដៃកូនក្រមុំស្រស់ស្អាត ចូលរោងការបាត់

ភ្នំពេញ៖ ប្រាកដជាមានមិត្តៗយុវវ័យ មិនតិចនោះទេ នៅចាំពិធីករសង្ហា Vj Danny ជាក់ជាមិនខានតាមបណ្ដាកម្មវិធីជាច្រើន របស់ទូរទស្សន៍ MYTV ទទួលបានប្រជាប្រិយភាព។  ប៉ុន្តែមិនបានប៉ុន្មានផង ពិធីករប្រុសរូបនេះ ក៏បានស្ងាត់ពីសិល្បៈទៅវិញ ងាកទៅចាប់យកអាជីពជាអ្នកផលិត និងរៀបចំកម្មវិធីវិញទទួលបានភាពជោគជ័យមិនធម្មតា។

យ៉ាងណាមិញ កាលពីថ្មីៗនេះ គណនីអ៊ីនស្តារក្រាមផ្លូវការរបស់ Vj Danny បានបង្ហោះរូបភាពជាច្រើន ធ្វើឲ្យប្រិយមិត្តមានការភ្ញាក់ផ្អើលខ្លាំងមែនទែន ជាមួយនឹងទិដ្ឋភាពពិធីមង្គលការរបស់លោក ជាមួយកូនក្រមុំដ៏ស្រស់ស្អាត។

ក្នុងនោះផងដែរ ក៏មានការចូលរួមពីសំណាក់គ្រួសារ មិត្តភក្តិ រួមជាមួយតារាៗ ជាច្រើនដួង ធ្វើឲ្យកម្មវិធីនេះ រឹតតែសប្បាយរីករាយថែមមួយកម្រិតទៀត។

គួររម្លឹកផងដែរថា អាពាហ៍ពិពាហ៍របស់ Vj Danny ជាពិធីករដ៏មានប្រជាប្រិយរូបភាពរូបនេះ បានរៀបចំឡើងតាំងតែពីថ្ងៃទី ០៩ មកម្ល៉េះ គ្រាន់តែមិនសូវមានអ្នកចាប់អារម្មណ៍ ទើបតែមួយរយៈថ្មីៗនេះ តែប៉ុណ្ណោះ៕

តោះដើម្បីជ្រាបច្បាស់ ទៅទស្សនារូបភាពទាំងអស់គ្នា៖

• រូបភាព
• តារាខ្មែរ