ពេលនេះ យូ ឌីស្កូ កាន់តែសង្ហាខ្លាំងឡើង ក្រោយរួចផុតពីជំងឺដ៏សាហាវ អស់ពេលជាច្រើនខែមកនេះ!

ភ្នំពេញ៖ តារាសម្តែងប្រុសដ៏មានប្រជាប្រិយភាព លោកយូ ឌីស្កូ បានធ្វើការឆ្លងកាត់នូវជំងឺដ៏កាចសាហាវ ស្ទើតែគ្មានជីវិតរស់ក្រោយបានការជួយជ្រោមជ្រែងពីមហាជនជាច្រើន ក៏លោកបានទៅព្យាបាលនៅប្រទេសឥណ្ឌាវិញ យ៉ាងបានសម្រេច និងជាសះស្បើយវិញ។

នាពេលនេះដែលឃើញថា មុខមាត់របស់លោកប្រែជាស្រស់ថ្លាខ្លាំង រូបរាងក៏មានសាច់ឈាមជាងមុន ដែលមើលទៅពិតជាខុសប្លែកគ្នាខ្លាំង បើធ្វើការប្រៀបធៀបកាលពីប៉ុន្មានខែមុន នៅពេលដែលលោលកំពុងតែមានទុក្ខ ស្របពេលដែលជំងឺកំពុងតែធ្វើទុក្ខ។

មិនត្រឹមតែប៉ុណ្ណោះបើនិយាយពីការតែងខ្លួនរបស់លោកវិញ ក៏ពិតជាសាកសម និងសង្ហាដូចមុនយ៉ាងដូច្នោះ ដោយធ្វើឲ្យបណ្តាអ្នកគាំទ្រជាច្រើនពិតជារំភើបនៅក្នុងចិត្តយ៉ាងខ្លាំង ដែលលោកបានជាដាច់ពីជំងឺ១០០ភាគរយ ថែមទាំងទទួលបាននូវរូបរាងស្រស់សង្ហាដូចកាលពីមុនវិញ។

លើសពីនេះទៅទៀត ក្រោយពីបានឈប់ពីសិល្បៈប៉ុន្មានខែ ឆ្នាំ ដើម្បីព្យាបាលជំងឺ ពេលនេះប្រជាប្រិយភាពរបស់លោក នៅតែខ្លាំងដែលនៅតែមានការគាំទ្រ និងលើកទឹកចិត្តដល់លោកគ្រប់ពេលតែម្តង៕

• យូ ឌីស្កូ
• តារាខ្មែរ