ថ្វី​ត្បិត​ជា​ជំងឺ​សើ​ស្បែក តែ​មុន​ពិត​ជា​រំខាន និង​ធ្វើ​ឲ្យ​បាក់​សម្រស់​អស់​មួយ​ចំណែក​ធំ។ ចំពោះ​បញ្ហា​មុន​នេះ​ដែរ គ្នា​យើង​តែ​ងចំណាំ​និយាយ​តៗ​គ្នា​ថា ការ​ញ៉ាំ​គ្រឿង​ផ្អាប់ មាន​ប្រហុក ផ្អក និងពពួកស៊ុត​សត្វដូចជា​ ពងទា​កូន ពងទា ពងមាន់ ធ្វើឲ្យ​មុន​កើត​មុន ឬ​មុន​រឹត​តែ​ឡើង។ ចម្ងល់​នេះ អ្នក​ឯកទេស​ជំងឺ​ស្បែកនៃ​មន្ទីរពេទ្យ​ព្រះកុសមៈ លោក​វេជ្ជបណ្ឌិត ហេង យូសេង ពន្យល់​ថា តាម​ឯកសារ​ជា​ច្រើនរឿង​ចំណី​អាហារ​មិន​បាន​រាប់​បញ្ចូល​ក្នុង​មូលហេតុ​បណ្តាល​ឲ្យ​កើត​មុន​នោះ​ទេ តែ​ទោះ​យ៉ាង​ណា​គ្រូពេទ្យ​ភាគ​ច្រើន​តែ​ឲ្យ​អ្នក​កើត​មុន​ចំណាំ​ដោយ​ខ្លួន​ឯង តើ​ការ​ញ៉ាំ​ចំណី​អាហារ​ណា​មួយ​ធ្វើ​ឲ្យ​កើត ឬ​ឡើង​មុន។

«មូល​ហេតុអី​បាន​គេ​មិន​រាប់​បញ្ចូល​ប្រភេទ​ចំណី​អាហារ​ណា​មួយ​ធ្វើ​ឲ្យ​កើត​មុន? ដោយសារ​អ្នក​ខ្លះ​គាត់​ញ៉ាំ​ពងទា​កូន​ដែរ ប៉ុន្តែ​អត់​ចេញ​មុន អ្នក​ខ្លះ​ក៏​ចេញ​អ៊ីចឹង​ទៅ អ៊ីចឹង​អត់​មាន​គោល​រួមអី​មួយ​ទេ ចំពោះ​ចំណី​អាហារ​គេ​ឲ្យ​អ្នក​ជំងឺ​ចំណាំ​ដោយ​ខ្លួន​ឯង»។

លោក​វេជ្ជ​បណ្ឌិតថា មុន​ជា​ជំងឺ​ស្បែក​ម្យ៉ាងច្រើន​កើត​លើ​មនុស្ស​ពេញ​វ័យ ដែល​មូលហេតុចម្បង​បណ្តាល​មកពី​​អ័រម៉ូន​ភេទ​បញ្ចេញ​ខ្លាញ់​នៅ​លើ​ដងខ្លួន និង​ផ្ទៃ​មុខ​ច្រើន​ខុស​ពី​ធម្មតា ​ធ្វើ​ឲ្យ​មាន​ការ​ស្ទះ​ខ្លាញ់ កកើត​ជា​គ្រាប់​មុន។ ដោយ​ហេតុ​ថា កើត​មុន​មក​ពី​ការ​បញ្ចេញ​ជាតិ​ខ្លាញ់​ច្រើន​នោះ ដូច្នេះ​លោក​វេជ្ជបណ្ឌិត ហេង យូសេង ណែនាំ​ឲ្យ​ចៀស​វាង​នូវ​ការ​ញ៉ាំ​ពពួក​ចំណី​អាហារ​ណា​ដែល​សម្បូរ​ជាតិ​ខ្លាញ់ ហើយ​បើ​កើត​មុន​តិចៗ ត្រូវ​ឆាប់​ទៅ​ព្យាបាល កុំកេះ ឬញេច ធ្វើ​ឲ្យ​មាន​ស្នាម​លើ​មុខ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សម្រស់ & សុខភាព និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]