កូរ៉េខាងត្បូង៖ នៅក្នុងក្រុមចម្រៀងនារីល្បីឈ្មោះលំដាប់ជួរមុខ BLACKPINKតារាចម្រៀងស្រី Jisoo ត្រូវបានគេចាត់ទុកថាជា សមាជិកដែលមានសម្រស់ស្អាតលេចធ្លោជាងគេប្រចាំក្រុម និងជាប់ជាស្រីស្អាតម្នាក់ ក្នុងចំណោមតារាចម្រៀងស្រីស្អាតលំដាប់«Visual» នៅក្នុងវិស័យ Kpopថែមទៀតផង។
ជាការពិតណាស់ ក្រៅពីទេពកោរសល្យសិល្បៈហើយ Jisoo ក៏តែងតែត្រូវបានមហាជនមានការចាប់អារម្មណ៍ខ្លាំងទៅលើសម្រស់របស់នាង និងតែងតែត្រូវមហាជនលើកយកនូវប្រធានបទ សម្រស់ធម្មជាតិគ្មានការកែច្នៃរបស់នាង មកពិភាក្សានៅលើបណ្តាញអ៊ីនធឺណែតជានិច្ចថែមទៀតផងដែរ។
មិនតែប៉ុណ្ណោះ នាងថែមទាំងត្រូវបានមហាជនជាច្រើន ដាក់នាមឲ្យនាងថាជា «បវរកញ្ញាកូរ៉េ» ថែមទៀតផង ដោយសារតែទម្រង់មុខល្អស្អាតឥតខ្ចោះរបស់នាង ជាពិសេសគឺរាល់ពេលដែលនាងសើច ឬញញឹមម្តងៗ បបូរមាត់របស់នាងតែងតែចេញជាទម្រង់បេះដូង យ៉ាងស្រស់ស្អាតស្រស់ស្រាយមើលមិនចេះជិនណាយ។
លើសពីនេះទៅទៀតនោះ ថ្មីៗនេះអ្នកគាំទ្រក៏បានលើកយកនូវរូបថតជាច្រើនរបស់ Jisoo ដែលត្រូវបានថតដោយអ្នកគាំទ្រដោយផ្ទាល់ដៃរបស់ពួកគេ នៅពេលដែលពួកគេបានជួបតារាស្រីរូបនេះនៅខាងក្រៅ។ ហើយតាមរយៈរូបថតទាំងនេះ បានឲ្យឃើញថា សម្រស់របស់តារាស្រីរូបនេះ មិនត្រឹមតែស្អាតតែនៅក្នុងកញ្ចក់ទូរទស្សន៍តែប៉ុណ្ណោះនោះទេ ប៉ុន្តែនៅខាងក្រៅពេលបានថតរូបជិតៗបែបនេះទៀតទៅ គឺកាន់តែស្រស់ស្អាតធម្មជាតិ សាច់មុខសរលោង សឹងតែស្រមោចវារជ្រុះតែម្តង។
គួរបញ្ជាក់ផងដែរថា ថ្មីៗនេះទទួលបានដំណឹងល្អមួយ ដែលបានប្រកាសចេញកាលពីម្សិលមិញនេះ បានឲ្យដឹងថា តារាចម្រៀងស្រី Jisoo នឹងបង្ហាញមុខជាតួអង្គសម្តែង នៅក្នុងខ្សែភាពយន្តភាគខ្នាតធំល្បីឈ្មោះបញ្ចាំងនៅក្នុង Netflix រឿង «Arthdal Chronicles» ដែលមានចូលរួមសម្តែងដោយតួឯកល្បីៗដូចជា តារាសម្តែងប្រុសល្បីឈ្មោះ Song Joong Ki តារាស្រី Kim Ji Won តារាប្រុស Jang Dong Gun និងតារាល្បីជាច្រើនរូបផ្សេងទៀតផងដែរ ហើយបើតាមដឹង Jisoo នឹងចេញមុខសម្តែងនៅពាក់កណ្តាលរឿង និងវគ្គបញ្ចប់ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]