គូព្រេងពិតមែន! Ice និងគូស្នេហ៍ស្គាល់គ្នាតាំងពីតូច ធំឡើងប្រែពីទំនាក់ទំនងមិត្តភក្តិ ទៅជាស្នេហា

ថៃ៖ ទីបំផុតតារាសម្តែងស្រីរូបស្រស់ Ice Preechaya បានជួបស្នេហ៍ពិតហើយ ក្រោយនាងធ្លាប់បានផ្តល់បទសម្ភាសន៍ជាមួយអ្នកកាសែតជាច្រើនលើកច្រើនសារ ថាខ្លួនតែងតែបរាជ័យក្នុងរឿងស្នេហាកន្លងមក។

ទៀតសោតគូស្នេហ៍នាងលើកនេះឈ្មោះថាArt ហើយក៏ជាមនុស្សដែលស្គាល់គ្នាជិតស្និទ្ធជាច្រើនឆ្នាំថែមទៀតផង។ ជាក់ស្តែងថ្មីៗនេះ Iceបើកចិត្តនិយាយពីប្រវត្តិស្នេហារបស់ខ្លួន ទៅកាន់អ្នកគាំទ្រឲ្យបានដឹង។ ដោយនាងបានរៀបរាប់យ៉ាងដូច្នោះថា៖

«ពួកយើងទាក់ទងគ្នាមួយរយៈហើយ ប៉ុន្តែតាមពិតទៅគឺយើងស្គាល់គ្នាតាំងពីតូច ព្រោះ Ice កាន់សាសនាគ្រឹស្ត ហើយគាត់ក៏កាន់សាសនាគ្រឹស្ត នៅព្រះវិហារជាមួយគ្នា គ្រាន់តែពេលនោះពួកយើងក្មេងពេក។ សូម្បីតែប៉ាម៉ាក់ខ្ញុំ និងប៉ាម៉ាក់គាត់ក៏ស្គាល់គ្នាដែរ ធំធាត់មកជាមួយគ្នា ប៉ុន្តែគាត់ទៅរៀននៅក្រៅប្រទេស ទើបតែត្រលប់មកវិញ។

ទោះបីជាស្គាល់គ្នាយូរមកហើយមែន តែពួកយើងមិនដែលនិយាយគ្នាលក្ខណៈពេញមុខពេញមាត់ម្តងណាទេ រហូតដល់ពេលដែលខ្ញុំបែកបាក់ពីស្នេហាចាស់ ទើបពួកយើងចាប់ផ្តើមទាក់ទងគ្នា។ កន្លងមកឃើញថា ចរិតពួកយើងត្រូវគ្នា ហើយគាត់មើលថែខ្ញុំបានយ៉ាងល្អ ជាពិសេសគាត់ជាមនុស្សរ៉ូមែនទិក។

ទាក់ទងគ្នាមកមួយរយៈហើយ តែយើងមិនប្រើពាក្យថាសង្សារទេ ព្រោះមិនចង់ប្រើពាក្យមកកំណត់ពីទំនាក់ទំនងរបស់ពួកយើងឡើយ។ ទៀតសោតសម្រាប់ស្នេហាលើកនេះ ខ្ញុំក៏មិនបានគិតថាវានឹងរលូនទៅមុខឬយ៉ាងណាដែរ ព្រោះវាជារឿងអនាគត ជារឿងរបស់មនុស្សពីរនាក់ ដូច្នេះយើងមិនសរុបបានទេថាថ្ងៃមុខទៅជាយ៉ាងណា។

សម្រាប់រឿងគ្រួសារទាំងសងខាងវិញ គឺបើកភ្លើងខៀវ ដូចខ្ញុំបាននិយាយមុននឹងអញ្ចឹងគឺពួកគាត់ស្គាល់គ្នា»។

ក្រោយពីបានដឹងនូវប្រវត្តិស្នេហារបស់Ice និង Art ហ្វេនៗសង្ឃឹមថា នឹងមានដំណឹងល្អឆាប់ៗនេះ ព្រោះយោងតាមការរៀបរាប់ខាងលើឃើញថា ពួកគេបានសង្ឃឹមច្រើនក្នុងការចាប់ដៃគ្នាកសាងគ្រួសារ៕

សូមទស្សនារូបភាពខាងក្រោម៖

• តារាថៃ