អ៊ីតាលី៖ អ្នកចាត់ការថ្មីរបស់ក្លិប Inter Milan លោក Antonio Conte កំពុងចាប់អារម្មណ៍ចង់ចុះកិច្ចសន្យានាំយកខ្សែប្រយុទ្ធ Marco Asensio របស់ Real Madrid ក្នុងនាមជាកីឡាករដំបូងដែលលោកនាំចូលនារដូវកាលនេះ។ យោងតាមសារព័ត៌មានអ៊ីតាលី Correire dello Sport បានរាយការណ៍ថា លោក Conte ជឿជាក់ថា Asensio នឹងជាគោលដៅដែលអាចនាំចូលមកកាន់ក្លិបបាននាទីផ្សារដោះដូរកីឡាករខាងមុខនេះ ស្របពេលដែលលោក Zinedine Zidane កំពុងធ្វើការរុះរើក្រុម ដើម្បីត្រៀមប្រជែងពានកំពូលផ្សេងៗ។
គួរឱ្យដឹងដែរថា លោក Conte ក៏ធ្លាប់បានប្រមាញ់ Asensio ផងដែរ គ្រាដែលលោកនៅដឹកនាំ Chelsea ប៉ុន្តែយ៉ាងណាមិញ ឧបសគ្គសម្រាប់លោកនាពេលនោះ គឺការជាប់បម្រាមទិញ-ដូរកីឡាកររបស់ Chelsea។ យ៉ាងណាក្តី ការចរចាដើម្បីនាំយក Asensio មិនមែនជារឿងងាយឡើយសម្រាប់លោក Conte ខណៈដែលលោក Zidane ធ្លាប់និយាយថា លោកចង់រក្សាទុកកីឡាករអេស្ប៉ាញនេះ នៅទឹកដី Santiago Bernabeu បន្តទៀត។ បែបនេះហើយទើបគេដឹងថា Conte ក៏បានត្រៀមផ្លូវក្រោយរួចជាស្រេច ក្នុងការចរចាជាមួយក្លិប Frankfurt ដើម្បីនាំយកខ្សែប្រយុទ្ធមួយរូបគឺ Ante Rebic៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]