បទ«ស្មានថាគេស្រលាញ់យើង» របស់ ជ័យ សុវ៉ាត ពីរោះហើយ ថតទេសភាពស្អាតខ្លាំង នៅស្វីសទៀត (មានវីដេអូ)

ភ្នំពេញ៖ ពិតជាមិនធ្វើឲ្យអ្នកគាំទ្រខ្លួន ខកចិត្តសម្រាប់បទចម្រៀងថ្មីរបស់តារាចម្រៀងវ័យក្មេង ជ័យ សុវ៉ាត ដែលមិនត្រឹមតែបង្ហើរសំនៀងបានយ៉ាងពីរោះទេ សូម្បីតែទេសភាពស្អាតប្លែកខ ណៈដែលលោកបានចេញទៅកម្សាន្ត និងផ្តិតយករូបភាពដោយផ្ទាល់នៅប្រទេសស្វីសផងដែរ។

ក្នុងបទចមម្រៀងនេះដែរ ចាក់ចំបេះដូងអ្នកគាំទ្រពិសេស មិត្តៗយុវវ័យគឺបទ មានចំណងជើងថា”ស្មានថាគេស្រលាញ់យើង” ដែលជាបទចម្រៀងថ្មីនិពន្ធឡើងដោយ លោក និស្ស័យ។ បទនេះ ចាប់ផ្តើមមានការគាំទ្រ កាន់តែខ្លាំងក្រោយពីគេបានទស្សនាវីដេអូដែលបានផ្តិតយកទេសភាពដ៏ស្រស់ស្អាត នាតំបន់មួយចំនួននៅប្រទេស ស្វីស។ 

បញ្ចេញមិនទាន់បាន២៤ម៉ោងផងបទមួយនេះ មានអ្នកចូលទស្សនារាប់សែននាក់ជាមួយនឹងការសរសើរមិនដាច់ពីមាត់ ទាំងទឹកដមសំនៀង និងវីដេអូដ៏ទាក់ទាញ។ តារាចម្រៀងប្រចាំផលិតកម្មសាន់ដេ លោក ជ័យ សុវ៉ាត បានបញ្ជាក់ថា លោកពិតជារំភើបនឹងការគាំទ្រជាថ្មីបន្ត ក្រោយពីបទចម្រៀងមួយចំនួន របស់លោកក្នុងផលិតកម្មសាន់ដេទទួលបានការគាំទ្រជាច្រើន។ 

តារាចម្រៀងប្រុសវ័យក្មេងរូបនេះ បានបន្តទៀតថា លោកបានឆ្លៀតថតយកទិដ្ឋភាពដ៏ស្រស់ស្អាតនាតំបន់មួយចំនួននៃប្រទេសស្វីស គ្រាដែលលោកបានដើរកម្សាន្តនៅទីនោះ។

ទោះជាយ៉ាងណានេះ មិនមែនជាលើកទី១ទេ ដែលបទចម្រៀងរបស់តារាចម្រៀងប្រុសអតីតម្ចាស់ជ័យលាភីកម្មវិធី”ផ្កាយរះក្នុងសួន” ទទួលបានការគាំទ្រច្រើនពីទស្សនិកជនពិសេសក្រុមយុវវ័យ។ 

ក្រោយជ្រកក្រោមដំបូលផលិតកម្មសាន់ដេ តារាចម្រៀងរូបនេះធ្លាប់បានធ្វើឲ្យផ្ទុះការគាំទ្រជាបន្តបន្ទាប់ដែលភាគច្រើន ជាបទមនោសញ្ចេតនា ដែលអ្នកស្តាប់ភាគច្រើនពេញចិត្តទឹកដមសំនៀង របស់តារាចម្រៀងរូបនេះ មានដូចជាបទ”កុំប៉ះសង្សារខ្ញុំ” បទ”ស្រលាញ់អូនដល់កាន់ឈើច្រត់” បទ”ក្រចេះស្នេហ៍បង” ជាដើម៕

តោះទៅទស្សនាបទចម្រៀងទាំងអស់គ្នា៖

• ជ័យ សុវ៉ាត
• ចម្រៀង
• វីដេអូ
• តារាខ្មែរ