តៃវ៉ាន់៖ នៅក្នុងរឿងភាគចិន ភាគច្រើនប្រិយមិត្ត តែងតែឃើញមុខ តារាស្រីមុខស្លូត នាង Joe Chen ដែលតែងលេចមុខ នៅគ្រប់រឿងតែម្តង ជាពិសេសក៏តែងតែដើរតួឯកទៀតផង។ ការដែល ផលិតករ លើកនាង ជាតួឯក សឹងតែគ្រប់រឿង ក៏ព្រោះតែសមត្ថភាព ពេញទីរបស់នាង មិនថា សម្តែងបែបណា នាងតែងតែ ធ្វើបានជានិច្ច ហើយក៏គូបផ្សំ សម្រស់ផងដែរ បើមិនសូវស្អាត ក៏គេមិនសូវយកនាង ជាតួធំ ក្នុងរឿងប៉ុន្មានដែរ។
ប៉ុន្តែមួយរយៈចុងក្រោយនេះដែរ តារាស្រីរូបនេះ ត្រូវគេចាប់អារម្មណ៍ថា មុខមាត់របស់នាង ហាក់ដូចជាស្លេកស្លាំង និងមានសភាព មិនសូវទាក់ទាញ ដូចកាលពីមុនសោះ។ អ្វីដែលគេភ្ញាក់ផ្អើល កាលពីមួយរយៈមុន Joe Chenក៏បានឡើងកម្មវិធីមួយ ដោយគេឃើញ រូបរាងរបស់នាង ឡើងគីឡូបំផុត កាន់តែចាស់ជាងមុនទៅទៀត នៅពេលនាង ធាត់បែបនេះ។
មិនយូរមិនឆាប់ ស្រាប់តែធ្លាយរូប២សន្លឹកទៀត ខណៈព័ត៌មានរឿងឡើងទម្ងន់របស់នាង មិនទាន់សាបរលាប ដោយគេឃើញមុខនាង ទ្រុឌទ្រោមខ្លាំង ដែលអាចនិយាយបានថា ដូចជាមនុស្សវ័យចំណាស់ម្នាក់ បើមិនបានប្រាប់ ប្រាកដមិនជឿទេថា ជារូបនាង។
ចំពោះរូបថតទាំងនោះ បានបង្ហាញឲ្យឃើញស្នាមជ្រីវជ្រួញ ភ្នែកស្លក់ខ្លាំង និងដូចជាអស់កម្លាំងណាស់។ ក្នុងនោះ ហ្វេន ក៏បានសំណូមពរឲ្យនាង សម្រាកពីការងារឲ្យបានច្រើនផងដែរ ដើម្បីថែរក្សាសម្រស់របស់នាង ឡើងមកវិញ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]