ធ្លាប់ជាតារាស្រីលេខ១របស់ប្រទេស មិននឹកស្មានថាឥឡូវ Fan Bingbing ធ្លាក់កូដមួយទំហឹង

ចិន៖ បើនិយាយពីតារាស្រីលំដាប់លេខ១នៅប្រទេសចិន លោកអ្នកប្រាកដជានឹកឃើញដល់ Fan Bingbing ជាក់ជាមិនខាន។ ជាការពិតណាស់នាងជាតារាស្រីដែលទទួលបានការពេញនិយមបំផុត ទាំងទេពកោសល្យ និងរូបសម្រស់ដ៏ស្រស់ស្អាត។

ជាក់ស្តែងរាល់ពេលដែលនាងបង្ហាញខ្លួននៅក្នុងកម្មវិធីម្តងៗ តែងតែទទួលបានការចាប់អារម្មណ៍យ៉ាងខ្លាំងពីសំណាក់ក្រុមអ្នកកាសែត អ្នកគាំទ្រ និងអ្នកចូលរួមនៅក្នុងកម្មវិធីទាំងអស់។ ប៉ុន្តែមួយរយៈចុងក្រោយនេះ ភាពល្បីល្បាញរបស់តារាស្រីរូបនេះហាក់ដូចជាមានការធ្លាក់ចុះគួរឲ្យកត់សម្គាល់ ក្រោយមានព័ត៌មានអាស្រូវជាច្រើនទាក់ទងនឹងនាង។

ដោយវេបសាយល្បីមួយរបស់ប្រទេសសឹង្ហបុរីបានឲ្យដឹងថា រូបភាពរបស់ Fan Bingbing នៅលើផ្ទាំងផ្សព្វផ្សាយកម្មវិធី «The Starlight Internet Festival 2019» ត្រូវបានគេកាត់ចេញ ក្រោយមានក្រុមអ្នកគាំទ្រចេញមកប្រតិកម្ម ថាមិនគួរយករូបនាងមកផ្សព្វផ្សាយ ព្រោះនាងមានរឿងអាស្រូវជាច្រើន។ មិនត្រឹមតែប៉ុណ្ណោះគេសង្កេតឃើញ នាងមិនសូវទទួលបានការស្វាគមន៍យ៉ាងរាក់ទាក់ដូចមុននោះទេ ហើយសូម្បីតែអ្នកកាន់កាមេរ៉ាផ្សាយក្នុងទូរទស្សន៍ក៏មិនសូវថតនាងដែរ៕

សូមទស្សនារូបភាពខាងក្រោម៖

• តារាចិន